НАТО

Сæрибар энциклопеди Википедийы æрмæг.
НАТО-йы паддзахæдтæ картæйыл
НАТО-йы тырыса

НАТО, Цæгат Атлантикæйы бадзырды организаци (англ. North Atlantic Treaty Organization, NATO; фр. Organisation du traité de l'Atlantique nord, OTAN) у Цæгат Атлантикæйы бадзырды организаци, æфсæддон-политикон блок, фæзындис 1949-æм азы. НАТО-йы дыууæ официалон æвзаджы сты англисаг æмæ францаг. Организацийы штаб-фатер æрбынат кодта Брюсселы (Бельги).

НАТО 1949-æм азы арæзт куы æрцыдис, уæд æй Советон Цæдис банымадта, йе ’дасдзинад ын чи халы, ахæм хъуыддагыл. 1954-æм азы Берлины АИШ, Стыр Британи, Франц æмæ Советон Цæдисы æддаг хъуыддæгты министртæ куы æрæмбырд сты, уæд советон минæвæрттæн загъдæуыд, НАТО æрмæст хъахъхъæнæн организаци кæй у. Уæд Советон Цæдис бахаста ахæм фæндон, зæгъгæ, иугæр НАТО айдагъ хъахъхъæнæн организаци у, уæд Советон Цæдис дæр уырдæм бацæуа, фæлæ уыцы хъæппæрисыл натойæгтæ не сразы. Уæд Советон Цæдис сарæзта, йæ политикæимæ разы чи уыдис, уыцы паддзахæдты блок — Варшавæйы бадзырд.

НАТО-йы паддзахæдтæ[ивын | Бындур ивын]