Суахили

Сæрибар энциклопеди Википедийы æрмæг.

Суахили
Хином:	kiswahili
Бæстæтæ:	Танзани, Угандæ, Конгойы Демократион Республикæ, Кени, Руандæ, Бурунди, Сомали, Комораг сакъадæхтæ, Мозамбик, Малави
Официалон статус:	Угандæ Танзани Кени
Æдæппæт дзурджыты нымæц:	5—10 млн. (фыццаг æвзаг) 50 млн. (дыккаг æвзаг)
Классификаци
Категори:	Африкæйы æвзæгтæ
Нигеро-конголезаг макромыггаг Бенуэ-конголезаг мыггаг Бантоидаг къорд Банту æвзæгтæ
Фыссынад:	латинаг алфавит
ISO 639-1:	sw
ISO 639-2:	swa
ISO/DIS 639-3:	swa, swc, swh
Æвзæгты тыххæй æппæт статьятæ

Суахили (суахилиагау: kiswahili) у бантуйаг æвзæгтæй сæ иууыл стырдæр, стæй Африкæйы континенты тæккæ зынгæдæр æвзæгтæй иу. У бирæхуызон этникон къорды ’хсæн бастдзинады фæрæз æмæ уый охыл ахæлиу ис Скæсæн æмæ Центрон Африкæйы территорийыл (Индиаг фурды былгæронæй Заиры центрон облæстытæм, æмæ Сомалийæ Мазамбикмæ).

Суахили у паддзахадон æвзаг ахæм бæстæты: Танзинийы, Республикæ Кенийы æмæ Угандæйы. Æвзагæй ма парахатæй пайда кæнынц Руандæйы, Бурундийы, Замбийы, Малавийы, Комораг сакъадæхты æмæ Мадагаскары. Æндæр æмæ æндæр бæрæггæнæнтæм гæсгæ суахилийыл куыд мадæлоныл дзурынц 2,5–5 милуан адæймаджы. Ноджы 50–70 милуан адæймаджы пайда кæнынц суахилийæ куыд дыккаг æмæ æртыккаг æвзагæй.

[баив æй] Классификаци

Дж. Гринбергы генетикон классификацимæ гæсгæ бантуйаг æвзæгтæ хаст сты нигейраг-конгойаг бинонты бенуэ-конгойаг къордмæ. М. Гасприйы мидклассификацимæ гæсгæ суахили хауы G42-къордмæ: Бантоидон/Хуссайраг/Нарæг (Къаннæг) банту/Центрон/G.