Сантæ-Катаринæ

Сæрибар энциклопеди Википедийы æрмæг.
Сантæ-Катаринæ
порт. Santa Catarina
Герб
Brasão de Santa Catarina.svg
Тырыса
Bandeira de Santa Catarina.svg
Паддзахад Бразили
Статус Штат
Кæй сконды у Бразилийы Хуссар регион
Административон центр Флорианополис
Стырдæр сахартæ Жоинвили, Флорианополис, Блуменау
губернатор Луис Энрике да Сильвейра
Цæрджытæ (2005)
5 866 487 (11-æм бынат)
Æнгомдзинад 61,53 ад./км²
Националон сконд португайлæгтæ, немыцæгтæ, италиæгтæ
Фæзуат 95 346,181 км² (20-æм бынат)
Сантæ-Катаринæ картæйыл
Сахатон таг -3
Код ISO 3166-2 BR-SC
ВикиКъæбицы Santa Catarina

Сантæ-Катаринæ (порт. Santa Catarina [ˈsɐ̃ta kataˈɾina]) у штат Бразилийы хуссары. Цæрыны стандарттæ дзы сты бæстæйы бæрзонддæртæй иу. Штаты сæйраг сахар у Флорианополис, уый лæууы Сантæ-Катаринæйы сакъадахыл. Сыхагон штаттæ сты Риу-Гранди-ду-Сул хуссары æмæ Парана цæгаты. Штаты скæсæны арæн у Атлантикон фурды был, ныгуылæны та — Аргентинæйы провинци Мисионес.

Сантæ-Катаринæйы цæрджытæй фылдæр сты, Португали, Герман æмæ Италийæ чи æрбалыгъдысты, уыцы адæмы фæдонтæ. Гермайнаг тæваг Сантæ-Катаринæйы у цæстуынгæ. Гермайнагау хуынд сахар Блуменауы æрвылаз бæрæг кæнынц Октоберфест — æмæ, дам, у дунейы дыккаг стырдæр ахæм фестиваль.

2008-æм азы барæггæнæнтæм гæсгæ, штаты цæрынц 6,1 милуан адæймаджы (61,53 алы квадратон километры), сæ нымæц рæзы. Сантæ-Катаринæйы цæрджытæй сæ фылдæр (82,5%) цæрынц сахарты. Сæ расæмæ гæсгæ 86,6% сты урс, 9,4% — пардо («морæхуыз»), 3,6% — сау[1].

Фиппаинæгтæ[ивын]