Мультипликаци

Сæрибар энциклопеди Википедийы æрмæг.

Мултипликаци (лат. multiplicatio) кæнæ анимаци (лат. animare) — киноаивады хуыз, кæй уацмыстæ сæвзæрынц фæд-фæдыл цæуæг нывты змæлды фазæты кадргай хуызисгæ методæй (графикон æмæ нывгонд мултипликаци), æмæ бæрцуатон (бæрцуатон æмæ гыкъына-мултипликаци) обекттæй.

Мультипликацийы аивады кусынц мултипликатæртæ (аниматортæ).

Технологи[ивын]

Мултфилмытæ (мултипликацийы æххæстдзыд продукт) скондæуынц кæнæ æнæзмæлгæ обектты санчъехгай æрмон равæр-бавæргæнгæйæ æмæ сæ кадргай исгæйæ, кæнæ та обектты змæлды фазæтæ ныннывгæнгæ (целлулоидыл, гæххæтыл йе та компутеры) æмæ сæ дарддæр иу видеорæгъмæ сæмбынат кæнын.

Истори[ивын]

Мултипликацийы истори райдыдта 1877 азы 20 июлы Францы, хæдахуыр-индзылер Эмиль Рейно куы сарызта праксиноскоп. 1982 азы 28 октябыры Гревины Музейы, Пæрижы "оптикон театр"-аппаратæй пайдагæнгæ, фыццаг хатт æвдисы графикон тæлм.

Фыццаг мултфилмытæ уыдысты къухæй нывтæ æмæ хъулæттæ пантомимæтæ суанг 15 минуты дæргъæнæн. Уыцы рæстæджы дæр ма уыди сæ бон хуызисттимæ синхронизацигонд зæлвæсдзыд кæнын. Рейно ноджы скодта мултфилмытæ, кæдоны пайдауыдысты куыд нывтæ, афтæ ма къамтæ дæр. Мултипликацийы райтынгады тыххæй дарддæр бавæрд хастой æндæр мултипликатæртæ, алыхуызон жанрты æмæ техникæты сæхи хуызнывтæ аразгæ.

Номджын датæтæ[ивын]

  • 1987-æм аз - А. Мелбурн-Купер систа фыццаг мултипликацион нывтæн сæ иуы (кремтæ кæнынæн ссадæджы рекламæ)
  • 1906-æм аз - Мариинаг театры балетмейстыр Ширяев Алыксандыр сæвзæрын кодта фыццаг гыкъынон мултфилм 12 фигурæтæй æнæзмæлгæ декорациты фоныл кафгæйæ.
  • 1906-æм аз - Америкæйаг компани Vitagraph Company of America рауагъта фыццаг мултфилм киноплёнкæйыл - «Humorous Phases of Funny Faces».
  • 1936-æм аз - Советтон Цæдисы бындурæвæрд æрцыд киностуди "Союзмультфильм" (сæрæй уыд куыд - "Союздетмультфильм").
  • 1958-æм аз - фыццаг мултипликацион филмытæ Японы фæзынын кодтой дæлжанр аниме.
  • 1968-æм аз - экрантыл рацыд Качанов Роман мултфилм "Крокодил Генæ", кæцыйы ма фæзынд Чебураскæ.
  • 1969-1993-æм азтæ - фыццаг советтон-уырыссаг мултсериал Котёночкин Вячеславы ист "Ну, погоди!"
  • 2003-æм аз - "Ёжик в тумане" нымад æрцыд алы заманты 'мæ адæмыхаттыты хуыздæр мултфилмыл, 140 æндæр 'мæ 'ндæр бæстæтæй кинокритикы æхсæн æрфæрстыты фæстиуæгмæ гæсгæ.

Истори персонажты[ивын]

  • 1914 азæй 1928 азмæ алкæмæй фыццаг номдзыд мултперсонаж уыд гæды Феликс.
  • 1920-æм æзты - нывгоймæгтæ клоун Коко æмæ Бетти Буп, наудзог Попай æмæ гæды Крейзи.
  • 1928-æм азы фæзынд мыст Микки
  • 1938-æм азы - тæрхъус Багз, кæцымæ бамбал сты гæды Силвестыр, дзиба Туитти, бабыз Даффи, хъыбыл Порки, койот Уайл И æмæ Фæндаглидзæг.
  • 1940-æм азы рацыдысты "Том æмæ Джерри" æмæ ма хъæдхой Вуди.
  • 1960-1966-æм азмæ Флинстоунты бинонтæ.
  • 1987-æм азы фæстæмæ - Симпсонты бинонтæ.
  • 1999-æм азы та - Футурамæ, Гриффинтæ æмæ Квадратон Хæлаф Мæцъæг Боб.