Ли Хунчжан

Сæрибар энциклопеди Википедийы æрмæг.
Ли Хунчжан

Ли Хунчжан (райгуырдис 1823 азы 15 февралы — амардис 1901 азы 7 ноябры) уыдис Китайы Цины империйы тыхджындæр æмæ дзырддзæугæдæр чиновниктæй иу.

Фыццаг хатт Ли Хунчжан басгуыхтис тайпинты растад ныссæндыны рæстæджы æмæ 1867-æм азы йæ снысан чындæуыд провинцитæ Цзянсу æмæ Анхойы бынатбæрнонæй. 1868-æм азы йын бантыстис ныссæндын няньцзюнты растад, æмæ уый тыххæй йын лæвæрд æрцыдис бур кофтæ, мæлхъы сис æмæ суинаг паддзахы хъомылгæнæджы кадджын ном.

1870-æм азы Ли ссис сæйраг сахары провинци Чжилийы бынатбæрнон æмæ æрцардис сахар Тяньцзины.

XIX æнусы фæстаг цалдæр дæс азы дæргъы, тыхст рынчын уæвгæйæ, Ли лæвæрдта разамынд Китайы æддагон политикæйæн. Ли Хунчжан уыдис, Китай Японимæ цы Симонсекы фидыды бадзырд (1895), стæй Уæрæсейы империимæ цы Цæдисон бадзырд (1896) сфидар кодтой, уыдоныл йæ къух æрфыссæг.

1900-æм азы Ли уыдис, Ихэтуаны растады фæстæ Китай фæсарæйнаг бæстæтимæ цы баныхæстæ арæзта, уыдоны сæргъы.