Тони Сервилло

Сæрибар энциклопеди Википедийы æрмæг.
Перейти к навигации Перейти к поиску

Тони Сервилло (р. 25.01.1959, Афраголæ, Кампани) — итайлаг киноактер, оперон æмæ драмон театрты режиссёр.

Италийы кинематографы дæргъвæтин æмæ æнтыстджын карьерæйы фæстæ Тони Сервилло 2000-æм азты кæроны зындгонд ссис дунейы киноуарзджытæн, нырыккон итайлаг тæккæ зынгæдæр режиссерты кинонывты кæй ахъазыдис, уый фæрцы — Паоло Соррентинойы «Изумительный»-йы (Джулио Андреоттийы роль) æмæ Маттео Гарронейы «Гоморра»-йы (мафиози Франкойы роль). Дыууæ кинонывы дæр номинацигонд æрцыдысты Сыгъзæрин пальмæ къалиумæ (Каннæйы кинофестивалы сæйраг приз).

Актеры стыр æнтыстыл банымайæн ис зæронд фыссæг æмæ плейбой Джеп Камбарделлойы роль П. Соррентинойы киноныв «Великая красота»-йы. Йæ ацы куысты тыххæй Тони райста Европæйы киноакадемийы преми.

Тони Сервиллойы сфæлдыстады иннæ фарс у оперæты æвæрд. Йæ режиссерон куыстытæй зынгæдæртæ сты Доменико Чимарозайы оперæ «Отчаявшийся муж», Людвиг ван Бетховены (дыууæ дæр æвæрд æрцыдысты Сан-Карлойы оперон театры Неаполы) æмæ Модест Мусоргскийы «Борис Годунов», 2003-æмы ма Рихард Штраусы «Ариадна в Наксосе»-йы кæм сæвæрдта, уыцы театр Сан-Карлушы (Лиссабон).