Фенын Сефеви, Навваб-ы равзæрæн текст

{{Персонæ}}
'''[[Сеид|Сейед]] Навваб Сефеви''' ({{lang-fa|سید نواب صفوی}}), йе ’цæг ном у '''Моджтаба Мир-лухи''' ({{lang-fa|مجتبی میرلوحی}}; райгуырдис [[1924-æм аз]]ы — амардис [[1956-æм аз]]ы) — [[Иран]]ы [[пысылмон дин|пысылмон]] фундаменталист, [[Исламы Федаинтæ]], зæгъгæ, уыцы къорды бындурæвæрæг æмæ фæтæг. Азымджын æй кодтой [[сах]]ы режимы ирайнаг политиктæ æмæ æфсæддон службæгæнджыты амарынæй.

Моджтаба Мирлохи райгуырдис [[Тæхран (остан)|Тæхраны провинцийы]] [[1924-æм аз]]ы. Авдаздзыдæй бацыди [[Хаким Низами]]йы номыл скъоламæ, стæй ахуыр кодта Ирачы сахар [[Эн-Наджаф|Наджафы]], куыста [[Хузестан]]ы [[нефт]]амалгæнæн куыстуаты.

[[1943-æм аз]]ы балымæн ис Пысылмон революцийы фидæны идеолог [[Рухолла Хомейни]]имæ. [[1946-æм аз]]ы бындур æрæвæрдта, Исламы Федаинтæ, зæгъгæ, уыцы организацийæн. Сефевийы боевиктæ кæй амардтой, уыдоны ’хсæн сты историк æмæ фыссæг [[Ахмад Касрави]], политиктæ [[Абдулхоссейн Хаджир]] æмæ [[Хаджи-Али Размара]].

[[1951-æм аз]]ы [[3 июны]], Сефевийы уæлæ сылгоймаджы дарæс уыди, афтæмæй йæ æрцахстой пъæлицæйæгтæ. Тæрхонгæнæн процесс цыди 4 азы æмæ уыцы рæстæджы дæргъы Сефевийы хъузæттæ арæзтой йæ фарс хæцæн акцитæ. Навваб Сефевийæн рахастæуыд фехсыны тæрхон. Æххæстгонд æрцыд 1956-æм азы 18 январы.

Фæстаг азты Ираны паддзахадон хабархæссæг фæрæзтæ æвдисынц Сефевийы куыд, йæ политикон цæстæнгасты охыл удхарæй чи фæмард, ахæм [[шахид]]ы. Тæхраны йæ ном хæссы централон уынгтæй иу.

[[Категори:Ираны революционертæ]]
[[Категори:Тæхраны останы чи райгуырдис, уыдон]]