Фламандийы регион

Сæрибар энциклопеди Википедийы æрмæг.
Фламандийы регион
нидерл. Vlaams Gewest
Тырыса
Flag of Flanders.svg
Паддзахад Бельги
Официалон æвзаг нидерландаг æвзаг
Цæрджытæ (2010) 6 251 983
Фæзуат 13 522 км²
Фламандийы регион картæйыл
Код ISO 3166-2 BE-VLG
Официалон сайт

Фландри (нидерл. Vlaanderen) кæнæ Фламандийы регион (нидерл. Vlaams Gewest) у Бельгийы цæгатаг регион. У федерацийы субъект. Историон литературæйы уыцы номæй ма хуыдтой, ныртæккæ чи нал ис, уыцы Фламандиаг герцогад. Хъæуы ма бафиппайын уый æмæ Фландрийы æмæ Фламандиаг герцогад территоритæ æмхуызон не сты. Зæгъæм, Фламандийы герцогады сконды уыди ма ахæм зæххытæ, ныртæккæ Францмæ (Францы Фландри) æмæ Нидерландтæм (Зеландийы Фландри) чи хауы, уыдон.

Административон дих[ивын]

Фландри дихгонд у фондз провинцийыл:

1 Антверпен
2 Лимбург
3 Скæсæн Фландри
4 Фламандийы Брабант
5 Ныгуылæн Фландри

Провинцитæ та сæхæдæг дихгонд сты муниципалитеттыл.

Брюселы сахары зылд (уырыс. Брюссельский столичный округ) у, Фламандиаг Брабанты арæнты мидæг чи ис æмæ Фламандийы зылдмæ чи нæ хауы, ахæм анклав. Фæлæ уæддæр Брюссель у Фландрийы сæйраг сахар. Уыимæ ма Фландрийы хицауады дæлбар сты, нидерландаг æвзагæй пайда чи кæны, Брюсселы уыцы кусæндæттæ (скъолатæ, культурон уагдæттæ).

Политикæ[ивын]

Регионтæ:
     Фландри     Брюссель     Валлони

Бельги федераци куы сси, уæд Фландри нымад æрцыд, хи хицауад, парламент æмæ бюджет кæмæн ис, ахæм автономон субъектыл. Регионы иунæг официалон æвзаг у нидерландаг, кæд æмæ цалдæр муниципалитеты административон хъуыддаджы гæххæтыты ис пайдагæнæн францаг æвзагæй дæр.

Фламандийы парламент (нидерл. Vlaams Parlement) æвзæрст цæуы фондз азы æмгъуыдмæ æппæтон æмæ комкоммæйы ’взæрстыты фæрцы (æвзарыны бар ис æрмæст Фландрийы æдзух чи цæры, Бельгийы уыцы æмбæстонтæн). Фламандиаг парламент аразы регионы хицауад.

Культурæ[ивын]

Фландрийы райгуырдысты æмæ фæцардысты бирæ зындгонд нывгæнджытæ, уыдонимæ Рубенс, Якоб Йорданс, Адам ван Норт, Ф. Снейдерс, Ян Брейгель, Ван Дейк æмæ æндæртæ.

Кæс[ивын]