Димитров, Михаилы фырт Георгий

Сæрибар энциклопеди Википедийы æрмæг.

Димитров Михаилы фырт Георгий Гео́рги Димитро́в Миха́йлов
1-æм БКП-йы ЦК-ы генералон секретарь
1948 азы 11 августы азæй — 1949 азы 2 июлы
Фæстæдæр:	Вылко Червенков
1-æм Болгарийы Адæмон Республикæйы министрты советы сæрдар
1946 азы 23 ноябры азæй — 1949 азы 2 июлы
Фæстæдæр:	Васил Коларов
Парти:	БКП
Адæмыхатт:	болгайраг
Райгуырд:	1882 азы 18 июны Ковачевци Перничы облæсты
Амард:	1949 азы 2 июлы Барвихæ

Георгий Димитров (болг. Георги Димитров Михайлов; 1882 азы 18 июны, Болгарийы Перничы облæсты хъæу Ковачевци — 1949 азы 2 июлы, Мæскуымæ ’ввæхс Барвихæ) — зындгонд болгайраг политик, коммунист. Коммунистон Болгарийы уый уыд Ленинау аргъуыцаг. Йæ амæлæты фæстæ йæ марды буар бавæрдтой, сæрмагондæй уымæн кæй сарæзтой, уыцы мавзолейы.

Æрмгусæджы фырт, 12-аздзыдæй скуыста типографийы (1894). 1901 азы сси мыхуыргæнджыты профцæдисы нымæрдар, 1902 азæй уыд Болгайраг кусджыты социал-демократон партийы уæнг, 1903 азæй — йæ большевикон хайы. 1913—1923 уыд болгайраг парламенты депутат. 1923 азы Болгарийы уый уыд Сентябры æдгæрзтæ растады разамонджыты ’хсæн. Растад куы нæ фæрæстмæ, уæд афтыд фæсарæнмæ, Болгарийы та йын фæсаууонмæ рахастæуыд амарыны тæрхон.

1933 азы Германы Димитровы фæзылын кодтой Рейхстаджы бæстыхайыл арт бандзарынæй. Уыциу аз йæ къухы бафтыд йæхи сраст кæнын, уый фæстæ та ацыд Советон Цæдисмæ. 1937-45 азты — Советон Цæдисы Сæйраг Советы депутат.

Хæст куы фæци, уæд раздæхт йæ бæстæмæ. 1946 азы сси Министрты советы сæрдар æмæ йæ амæлæтмæ разамынд лæвæрдта бæстæйæн. Бæстæйы хицау куы уыди, уæд кодта Советон Цæдисмæ хæстæг уæвыны политикæ. Уыимæ ма уыдис тынг æнувыд, хуссар-славяйнаг адæмты федераци скæныны (ома Югослави æмæ Болгари баиу кæныны) идейæйыл.

1990 азы Димитровы мард рахастой мавзолейæ æмæ йæ баныгæдтой. 1992 азы та Софияйы æхсæнадон совет бауынаффæ кодта, цæмæй Димитровы мавзолей хæлд æрцæуа — уый, дам, сахары архитектурæйæн æцæгæлон у, æмæ уый тыххæй.

Димитровы ном хæссынц æртæ бæстæйы æртæ сахары: Болгарийы Димитровград (ног сахар у), Сербийы Димитровград (кæддæры Цариброд) æмæ Уæрæсейы Димитровград Ульяновсчы облæсты (кæддæры Мелекесс). Дзæуджыхъæуы, республикæйы хицауады бæстыхайы фæстæ, лæууы Димитровы кадæн монумент — болгайраг сахар Кырджалийы лæвар; ис Димитровы номæн уынг дæр.

[баив æй] Литературæ

• Димитров Г. Перед фашистским судом. — М.: Партиздат, 1936. — 192 с.
• Димитров Г. Избранные произведения : в 2-х т. (1967—1968).
  • Т. 1: (1906—1937 гг.). — София: Изд-во лит. на иностр. яз., 1967. — 814 с.: портр.
  • Т. 2: (1939—1949 гг.). — София: Изд-во лит. на иностр. яз., 1968. — 873 с.: портр.
• Димитров Г. М. Лейпцигский процесс: Речи, письма и документы / Под ред. и с предисл. Б. Н. Пономарева. — М.: Госполитиздат, 1961. — 532 с.: ил., портр.
• Кореньков А. Георгий Димитров / Кореньков А. — М.: Госполитиздат, 1962. — 93 с.
• Курелла А. Димитров против Геринга: По материалам Г. Димитрова о Лейпцигском процессе 1933 г. / Пер. с нем. Г. Я. Рудого. — М.: Прогресс, 1966. — 325 с.
• Болдырев С. Н. Трижды приговоренный…: Повесть о Георгии Димитрове. — М.: Политиздат, 1968. (Пламенные революционеры) — 414 с, ил.
• Хаджиниколов В. Георгий Димитров и советская общественность. 1934—1945 / Сокр. пер. с болг. А. Н. Киршевской и А. М. Коренькова. Под ред. В. П. Груздевой. — М.: Прогресс, 1975. — 296 с.: Фотогр.
• Воспоминания о Георгии Димитрове / Сост. В. Н. Гребенников. — М.: Политиздат, 1982. — 350 с.: ил.
• Камен Калчев Димитров. Жизнь замечательных людей, Молодая гвардия, 1962 г.