Актёрты студи

Актёрты студи

Актёрты студи (англ. Actors Studio) у профессионалон актёртæ, театралон режиссёртæ æмæ драматургты организаци. Æрбынат кодта Нью-Йорчы сахары, мæнæ ацы адрисыл: 432 West 44th Street, Манхэттен. Йæ бындур æрæвæрдтой 1947-æм азы 5 октябры Элиа Казан, Шерил Кроуфорд, Роберт Льюис æмæ Аннæ Соколова. 1951-æм азы студийы сæргъы æрлæууыдис Ли Страсберг. Уый йын разамынд лæвæрдта суанг йæ амæлæтмæ 1982-æм азы.

Студи фыццагдæр зындгонд ссис, цы актёрон техникæйы методæй пайда кодта, уый руаджы. Уыцы метод æрхъуыды чындис 1930-æм азты æмæ йæ бындуры уыдис Станиславскийы системæ.

Райдианы студийы уæнгтæ æмбырд кодтой театр «Принцессæ»-йы, фæлæ 1955-æм азы уыдон хи айстой пресвитерон еклезийы раздæры бæстыхаймæ æмæ ныронг бынат кæнынц ам. 1965-æм азы студи Ныгуылæн Голливуды (Калифорни) байгом кодта йæ иунæг филиал — Ныгуылæйнаг актерты студи.

1994–2005-æм азты студи кодта æмгуыст Ног скъолайы университетимæ (Нью-Йорк).

Студийы хъуыстгонд рауагъдонтæ

Йæ бирæазон историйы дæргъы студийы бацархайдтой бирæ номдзыд адæймæгтæ — актёртæ, режиссёртæ, сценаристтæ:

Аль Пачино Энди Гарсия Энн Бэнкрофт Чезз Палминтери Кристофер Уокен Клорис Личмен Дин Стоквелл Джули Харрис Теренс Хилл Дастин Хоффман Эдвард Олби Элай Уоллак

Эллен Бёрстин Эрик Штольц Эстель Парсонс Ева Мэри Сэйнт Джин Хэкмен Джин Уайлдер Джордж Пеппард Джеральдин Пейдж Харви Кейтель Хейден Кристенсен Джек Николсон Джеймс Болдуин

Джеймс Дин Джейн Фонда Джоан Вудвард Карл Молден Ким Хантер Ким Стэнли Кэрролл Бейкер Лэнс Хенриксен Ли Ремик Лесли Нильсен Мэрилин Монро Марлон Брандо

Мартин Ландау Микки Рурк Монтгомери Клифт Норман Мейлер Пэт Хингл Пол Ньюман Роберт де Ниро Род Стайгер Салли Филд Шелли Уинтерс Сидни Пуатье Стив МакКуин

Теннесси Уильямс

Æрвитæнтæ

• Актерты студийы официалон сайт
• телералæвæрд «Актёрты студийы мидæг» Архивгонд æрцыдис 18 апрелы 2003 азы.