Цæгат Корей

Корейы Адæмон Демократон Республикæ
조선 민주주의 인민 공화국
Чосон Минджуджуи Инмин Конхвагук

Тырыса Герб
Хæдбар сси	1945 азы 15 августы Японæй
Æвзаг	корейаг
Сæйраг сахар	Пхеньян
Стырдæр сахартæ	Пхеньян
Хицауиуæджы хуыз	Коммунистон диктатурæ
«Æнусон президент» Иргъæфон комитеты сæрдар Премьер-министр Сæйраг адæмон æмбырды президиумы сæрдар	Ким Ир Сен Ким Чен Ын Пак Бон Чжу Ким Ен Нам
Фæзуат	120 540 км²
Доны процент	0,1
Цæрджытæ • Бахыгъд (2002) • Æнгомад	22 224 195 ад. {{{Æнгомад}}} ад./км²
ÆМП • Æдæппæт (2004) • Иу адæймагмæ	дунейы 91-æм 30,88 млрд. $ 1390 $
Валютæ	вонæ
Интернет-домен	нæй (.kp — резервгонд)
Телефонон код	+850
Сахатон таг	+9

Цæрджыты нымæц азмæ гæсгæ

Корейы Адæмон-Демократон Республикæ (КАДР, кор. 조선 민주주의 인민 공화국), Цæгат Корей дæр æй хонынц, у социалистон паддзахад Азийы. Цæрынц дзы 22 милуан адæймагæй фылдæр. Цæгат Корейы сæйраг сахар у Пхеньян.

КАДР-ы æфсад — Корейы Адæмон æфсад — у Ази æмæ дунейы тыхджындæр æфсæдтæй иу. Службæ дзы кæнынц 1 115 адæймаджы (2006-æм азы), уымæй у дунейы фæндзæм стырдæр æфсад.

Истори

XX æнусы райдианæй 1945-æм азмæ Корей æнæхъæнæй уыдис Японы дæлбар. Дыккаг дунеон хæст куы ахицæн, Корейы цæгаты ныллæуыдысты советон æфсæддонтæ, хуссары та — америкæгтæ. Америкæйы æфсад ныр дæр лæууы хуссары, Советон Цæдисы æфсад та ацыдис 1949-æм азы. Бæстæ дихгондæй баззадис.

1951-1953 азты Корейы цыдис æвирхъау «мидхæст». Æцæг мидхæст нæ уыд, уымæн æмæ Хуссар Корейæн стыр æххуыс кодтой АИШ æмæ æндæр капиталистон дунейы паддзахæдтæ (афтæ хуынд «Иугонд Нациты Организацийы тыхтæ»), Цæгат Корей дæр иунæгæй нæ баззадис знæгты раз — уымæн стыр æххуыс цыдис Китай (суанг гæрзифтонг тыхтæй) æмæ Советон Цæдисæй.

2002-æм азы фæстæ КАДР-ы цæуынц экономикон реформæтæ.

Интернет

КАДР-ы цæрджытæн Интернетæй пайда кæнæн нæй, фæлæ уыцы паддзахады ис хицæн компьютерон хыз Кванмён.

Кæс статьятæ

• КАДР-ы сахарты номхыгъд