Липарийы сакъадæхтæ

Картæ

Липарийы сакъадæхтæ (иуæй-иу хатт Эолийы сакъадæхтæ) (итал. Isole Eolie), зæгъгæ, афтæ хуындæуы Сицилийæ цæгатырдыгæй Тиррены денджызы чи ис, уыцы сакъадæхты къорд. Уыдонæй æхсæз иумæ сты коммунæ Липари, æвдæм сакъадахыл æрбынат кодтой коммунæтæ Санта-Мария, Мальфæ æмæ Ринелья.

Æппæт сакъадæхтæн ис вулканон равзæрд. Стромболийы сакъадахыл ис, ныртæккæ дæр иудадзыг активон чи у, ахæм вулкан (у сакъадахы æмном). Липари æмæ Вульканойы сакъадæхтыл æмбæлынц фумаролæтæ.

Липарийы сакъадæхтæм хæссынц:

• Стромболи,
• Панареа,
• Вулькано,
• Липари,
• Салина,
• Аликуди,
• Филикуди.

Сæрды къуыри æртæ хатты сакъадæхтæм Неаполæй цæуы быран, уый фæстæ ацæуы Милаццомæ (Сицили) æмæ рараст вæййы фæстæмæ. Уымæй уæлдай ма сакъадæхтæм æрвылбон Мессинæйæ цæуынц катертæ.

Липарийы сакъадæхтæ хаст сты ЮНЕСКО-йы хæзнадонмæ.