Хлопонин, Александр Геннадийы фырт

Сæрибар энциклопеди Википедийы æрмæг.
Александр Геннадийы фырт Хлопонин
Райгуырды датæ 1965-æм азы 6 мартъийы(1965-03-06) (59 азы)
Райгуырæны бынат
Бæстæ
Архайды хуыз политик
Хорзæхтæ æмæ премитæ
орден «За заслуги перед Отечеством» IV степени орден Александра Невского орден Почёта
Почётный железнодорожник
орден Республики Тыва орден «За заслуги перед Республикой Дагестан»
ВикиКъæбицы логотип Викикъæбицы медиа

Хлопонин, Геннадийы фырт Александр (уырыс. Александр Геннадиевич Хлопонин; райгуырдис 1965-æм азы 6 мартъийы Шри-Ланкайы) уыд Уæрæсейы хицауады сæргълæууæджы хæдивæг (вице-премьер) æмæ Уæрæсейы президенты æххæстбарджын минæвар Цæгат Кавказы федералон зылды (2010—14). Экономикон зонæдты кандидат.

Хлопонин райгуырдис фæсарæнты, советон дипломат æмæ тæлмацгæнæджы бинонты ’хсæн.

1982-æм азы бацыдис Мæскуыйы финансон институты æхсæнадæмон экономикæйы факультетмæ. 1983-æм азæй 1985-æм азы онг службæ кодта Советон Æфсады рæнхъыты. Йæ ныры æфсæддон цин у булкъон.

1989-æм азы йæ къухы бафтыдис Мæскуыйы финансон институт каст фæуын æмæ уыцы ахуырдоны диплом райсын. Уый фæстæ 1992-æм азы онг куыста Внешэкономбанкы, паддзахадон кредитты хайады.

Советон Цæдисы фехæлды фæстæ Хлопонин куыста банктæ æмæ финансон компаниты Мæскуыйы. 1996-æм азæй — акционерон æхсæнад «Норильский никелы» генералон директор æмæ уыцы æхсæнады разамынды сæрдар. Хлопонины дæлбар уыцы æхсæнадæн бирæ бантыстис социалон-экономикон рæзтыл бакусыны хъуыддаджы.

2000-æм азы æвзарджыты къорд Александр Хлопонины скодтой Таймыры автономон зылды губернаторы бынатмæ кандидат. 2001-æм азы 28 январы зылды цæрджыты 62% йæ кандидатурæйыл схъæлæс кодтой, афтæмæй 36-аздзыд Александр Хлопонин сси Уæрæсейы æппæты æрыгондæр губернатор.

2002-æм азы, Александр Лебедь куы амардис, Хлопонин Красноярсчы крайы губернаторы бынатмæ æвзæрстыты хайад райста æмæ сси уыцы регионы сæргълæууæг (2002-10).

Æддаг æрвитæнтæ[ивын | Бындур ивын]