Акростих
Акростих у, йæ рæнхъыты фыццаг дамгъæтæй исты дзырд кæнæ хъуыдыйад кæмæн рæзы, ахæм æмдзæвгæ. Алфавиты радмæ гæсгæ куы арæзт сты дамгъæтæ, уæд ахæм акростих хонынц абецедарий.
Акростих ирон поэзийы[ивын | Бындур ивын]
Ацы литературон фæрæзæй пайда кæнынц ирон поэттæ дæр.
Ирон акростихы дæнцæг[ивын | Бындур ивын]
АКРОСТИХ
- Балсæджы цалх дæ фæрсты чи аздæхта, уый дæ
- Адзалы зынгæй ратонæг фæци.
- Тæнзæрдæ гуырд, ызмæст дунейæ иу дæ,
- Рæстыл дзурæгæй мауал хæр дæхи.
- Амалгæнджытæ — алцæмæй сæрæндæр —
- Дзывыры фындзæй къахдзысты дæ уд.
- Зынгау дæ схъаудзысты, нæ дын уыдзæн цæрæн дæр
- Куырмæджы зилдзæни дæ алыварс тæппуд.
- Уынгæджы бонтæн де 'рагъ — фидар.
- Ысфæлмæцис, фæлæ та нæй гæнæн,
- Дыууæ цæды куыд аласдзæни иу гал?!
- Цыбыр рохтæй уæлахиз нæй бæхæн.
- Æрра фыййау та къæдзæхæй нывзилдзæн
- Рæстæнхъæлæй фæлмæн мигътæм йæхи,
- Æнхъæлмæгæс фæрнджын къæбицы зилдзæн
- Мыстау. Ды та хæрдзынæ дзæгъæлы дæхи.
(Автор — Касаты Батрадз)
Дыгурон акростихы дæнцæг[ивын | Бындур ивын]
СОНЕТ — АКРОСТИХ
- Гæнæн нæййес, и нивтæ мах не ’уарæн,
- Уæлдай хуæздæр не ’суодзæнæй нæ цард.
- Лæгæн хæтуй æ хæццæ æ дзиуарæ,
- Уой бари ’нцæ æ цийнæ ’ма е ’нкъард.
- Тæхæр-мæхæр нæ дæн, мæ хор, ме ’фсарæ
- Иссæй мæнæн цæлхдор, æма æд хард
- Зæронд кæнуй фестдони æнæбари,
- Е ’мбæрцæ ласт нæма ’рцæугæй, мæ кард.
- Мæ тоги нæ ’й, гъæйтт, зæгъгæ , сор адаги
- Февналæ ’ма рауадзæ дон, удта
- Исони бон æрбаййевæ дæ уагæ.
- Рауон-циуон, амалгунтæй ку уайнæ,
- Æзуонбæл лæг... Æдонугæй ду ба,
- Нæ сеггæнгæй, æрцудтæ исуст цъаймæ...
(Автор — Бабочити Руслан)