Цъæхил
| Цъæхил | |
|---|---|
| Фыд | Кусæгон |
| Сывæллæттæ | Дага, астæуккаг фырт, кæстæр фырт[1] |
Цъæхил — Цъæхилты мыггаджы бындурæвæрæг, Кусæгоны фырт.[1][2][3]
Ирон адæмон таурæгьмæ гæсгæ Цъæхил йæ æртæ фыртимæ æрбынат кодта Урсдоны комы. Цъæхил, дам, куы амард, уæд йæ фырттæй Дага, хистæр кæй уыд, уымæ гæсгæ райста хистæйраг зæхх — цæрæнбынат æмæ хуымзæххытæ Арвыбынаты æмæ — уыгæрдæнтæ та Стыррагъыл. Дагайы ма хистæры хайæн фесты йæ фыды хæдзарæй рæхыс æмæ æрхуы аг — бæгæны фыцæн æмæ арынг. Дага æрцард, цы бынат ын схай кодтой, уым, æмæ йæ цæуæт куы сбирæ сты, уæд сæ сырæзт Дагомы хъæу. Дагайы цæуæт, дам, цæрæг адæм уыдысты, уый бæрц хæдзæрттæ сын уыд, æмæ сæ уæлхæдзæрттыл гæнæн уыд хъæуæн йæ иу кæронæй йе ’ннæмæ адугъ кæнæн. Дагайы цæуæт уый бæрц сбирæ сты æмæ цалдæр æрвадæлтыл ныддих сты. Дагайæн уыд дыууæ фырты. Йæ иу фырты цæуæт сты Агънатæ, Зæнджиатæ, Карсантæ, Себеттæ.[4] Дыккаг фырты цæуæт та сты Хъаратæ, Гæтуатæ, Бурзиатæ[4] (кæнæ Хъаратæ, Гæбутæ, Хъуысатæ æмæ Бурдзиутæ[2]).[4]
Фиппаинæгтæ
[ивын | Бындур ивын]- 1 2 E.Г. Пчелина. OSSETICA: Избранные труды по истории, этнографии и археологии осетинского народа. — Владикавказ: 2013
- 1 2 Хозиты Федыр. Уæлладжыры комыл — Туалтæм. Дзæуджыхъæу: Ир, 1999
- ↑ Гутнов Ф. Х. Осетинские фамилии. — 2-е издание, дополненное. — Владикавказ: Респект, 2014. — 596 с. — ISBN 978-5-905066-15-3.
- 1 2 3 Гаглойты З. Д. Ирон мыггæгтæ. — 2-аг баххæстгонд рауагъд. — Цхинвал: «Республика», 2017. — 372 с.
 |
Ацы уац ирон темæйыл къæртт у, ома æрдæгцæттæ. Википедийæн баххуыс кæн æмæ ацы уац раст æмæ стырдæр скæн. |