Хъилы дзуар

Хъилы дзуар – хæдзары, бинонты дзуæрттæй иу, йæ ном ын ссарынц чындзæхсæвы фæтк æххæстгæнгæйæ. Чызджы хæдзары-иу Хъилы дзуары куырдтой, цæмæй чындзы йæ мойы хæдзармæ фæндагыл бахиза алыхуызон фыдбылызтæй; чындз-иу йæ мойы хæдзарыл куы сæмбæлдис, уæд-иу ног чындзы æмæ ног бинонты Сафа, Бынаты хицау æмæ уыимæ Хъилы дзуарыл бафæдзæхстой æмæ сæ куырдтой, цæмай сыл аудой æмæ сын ахъаз кæной. Этнографион литературæйы æмбæлы, хæххон фæндæгты бардуаг чи у, ахæм Хъилы дзуар дæр. Фæкувынц æм æмæ дзы ахъаз фæкурынц хæххон фæндæгтыл уæрдæтты чи фæцæуы, уыцы бæлццæттæ.