Флик, Донателлæ

Сæрибар энциклопеди Википедийы æрмæг.

Принцессæ Донателлæ Флик (чындзаг уæвгæйæ — Принцессæ Донателлæ Мисикофф) у немыцаг филантроп, немыцаг хъæздыг индустриалисты Фликы мыггаджы минæвары Герт Рудольф Фликы раздæры ус.

Йæ равзæрдмæ гæсгæ у Мысыккаты Мæхæмæты фырт ирыстойнаг Жорж Мисикофф æмæ йæ мад, Италийы бæстаджы чызг, æмæ принц Олег Мисикоффы хо. У Ромы Университеты философийы факультеты рауагъдон æмæ Италийы олимпаг æмбырдоны раздæры уæнг (гимнастикæ).

Смой кодта Герт Рудольф Фликмæ (бæрæг у куыд «Мак Флик» дæр), кæцы у немыцаг стыр сæудæджергæнæг æмæ хæстон фыдгæнæг Фридерик Фликы фырты фырт, фæлæ 1997-æм азы сæ къайад хъæлæбагæнгæ фехæлдтой.

1990-æм азы бындур æрæвæрдта Донателлæ Фликы дирижёрты конкурс æрыгон оркестрон дирижёртæн сæ æхсæнадæмон карьерæйы суæвынæн.[1] Æнæуый зынгæ у йæ æндæр филантропон архайды руаджы, цæвиттон, медикон хорзгæнæг уагдæттæн æххуыс.

2006-æм азы Италийы Республикæйæ хорзæхджын æрцыд «Commendatore» номæй æмæ 2007-æм азы сси преми Montblanc de la Culture Arts Patronage Award-ы лауреат, кæцы райста куыд «аивæдты сгуыхт аудæг, кæцыйы сæрмагонд цæстдарддзинад æмæ йе’ нтыстытæ стыр разыдзинады аккаг сты».[2]

Фиппаинæгтæ[ивын | Бындур ивын]

  1. Donatella Flick Conducting Competition
  2. Montblanc: Montblanc de la Culture Arts Patronage - 2007(недоступная ссылка). Датæ: 2014-æм азы 8 сентябры. Архив 2011-æм азы 27 сентябры.

Æрвитæнтæ[ивын | Бындур ивын]