Уырыссаг адæм

Уырыссаг адæм
Нымæц	≈ 133 000 000 ад.
Ахæлиу	Уæрæсе  Украинæ  Хъазахстан  Америкæйы Иугонд Штаттæ  Беларусь  Узбекистан  Латви  Канадæ
Æвзаг	уырыссаг
Дин	растуырнæг дин æмæ æнæдиндзинад[d]
Этникон дæлкъордтæ	уырыссаг адæмы этнографион æмæ субэтникон къордтæ[d] Семейские[d]
Викикъæбицы медиа

Уырыссаг адæм, уырыс дæр (уырыс. русские) у скæсæйнаг славяйнаг адæм, сты Уæрæсейы цæрджыты фылдæр хай (80% бæрц). Æдæппæт дунейы ис 146 милуан уырыссаджы, уыдонæй Уæрæсейы — 116 милуаны бæрц. Уыцы нымæц кæны къаддæр.

Уырыссæгты æвзаг у уырыссаг.

Уырыссæгтæ ма цæрынц Украинæйы (11,35 млн), Хъазахстаны (6,23 млн), Узбекистаны (1,65 млн), Белоруссийы (1,34 млн), Хъиргъизы (0,91 млн), Латвийы (0,9 млн), Молдавийы (0,56 млн), Эстонийы (0,47 млн) стæй бирæ æндæр бæстæты. Æдæппæт цæрджыты нымæцæй фылдæр хай уырыс сты Приднестровьейы (30,4 %), Латвийы (27,7 %), Эстонийы (25,6 %), Хъазахстаны (25,1 %).

Уæрæсейы регионты ’хсæн уырыс тæккæ фылдæр хай сты Вологдæйы облæсты (96,56 %). 90% фылдæр кæм сты, ахæм регионты нымæц у 30. Националон республикæты æдæппæт цæрджыты нымæцæй уырыс сты цæрджыты 30-50%, тæккæ къаддæр сты Дагъистан, Мæхъхъæл æмæ Цæцæны (5 % къаддæр).

Уырыс стыр адæм сты, æмæ уый тыххæй дзы разынд цалдæр хицæн субэтникон къорды. Уыдонæй цалдæр сты:

• Хъазахъхъæгтæ
  • Доны хъазахъхъæгтæ
  • Кубаны хъазахъхъæгтæ
  • Терчы хъазахъхъæгтæ
  • Уралы хъазахъхъæгтæ æмæ æндæр хъазахъхъаг къордтæ.
• Камчадалтæ
• Липовантæ
• Малакантæ
• Поморæгтæ

æмæ æндæртæ.

Цæгат Ирыстон

Цæгат Ирыстоны цæрынц 164 мин уырыссаджы, ома республикæйы цæрджытæй 23,1%. Сæ фылдæр цæрынц Дзæуджыхъæу æмæ Мæздæджы районы, стæй иуæй-иу хъазахъхъаг хъæуты дæр.