Рæмонаты Александр

Сæрибар энциклопеди Википедийы æрмæг.

Рамонты Данелы фырт Александр (19432005) уыд дыгуронау фыссæг поэт. Рæмонты Алыксандры райгуырæн хъæу у Сырх Дыгур. Уым каст фæци астæуккаг скъола, стæй ахуыр кодта педагогон училищейы аивадон хайады, Цæгат Ирыстоны паддзахадон университеты, Цæгат Кавказы хæххон-металлургон институты арæзтадон факультеты. Куыста Сырх Дыгуры астæуккаг скъолайы ахуыргæнæгæй, Дзæуджыхъæуы 14-æм скъолайы, «Цæгирпромарæзтад»-ы, Авджындзаумæттæгæнæн заводы, газет «Дигорæ»-йы редакцийы æмæ æндæр рæтты.

Алыксандры поэтикон уацмыстæ джиппы уагъд цыдысты журналтæ «Мах дуг», «Ирæф», «Ногдзау», газеттæ «Дигорæ», «Рæстдзинад»-ы. Фыста сывæллæттæн дæр.