Грекъ

Гречъы Республикæ
Ελληνική Δημοκρατία
Тырыса Герб
Девиз: «Ἐλευθερία ἤ Θάνατος» «Сæрибардзинад кæнæ мæлæт»
Гимн: «Ύμνος εις την Ελευθερίαν»
Официалон æвзаг	грекъаг
Сæйраг сахар	Афинæтæ
Стырдæр сахартæ	Афинæтæ, Салоники
Хицауиуæджы хуыз	Парламентон республикæ
Президент	Катеринæ Сакелларопулу
Премьер-министр	Кириакос Мицотакис
Территори
• Æдæппæт	131 940 км²
• Доны уæлцъары %	0,86
Цæрджытæ
• Бахыгъд (2024)	10 400 720 ад.
• Сфыст (2021)	10 482 487 ад.
• Æнгомад	78,9 ад./км²
ÆМП
• Æдæппæт (2004)	223,5 млрд. долл.
Валютæ	евро
Интернет-домен	.gr
Код ISO	GR
ÆОК-ы код	GRE
Телефонон код	+30
Сахатон таг	EET (UTC+2, сæрды UTC+3)
Викикъæбицы медиа

Грекъ (гр. Ελλάδα [ɛˈlaða]), официалон ном у Гречъы Республикæ (гр. Ελληνική Δημοκρατία [eliniˈkʲi ðimokraˈtia]) у Европæйы паддзахад, Европæйы Цæдис æмæ НАТО-йы уæнг. Гречъы фæзуат ахсы Балканы æрдæгсакъадахы хуссайраг хай æмæ 2 мин сакъадахы, æмæ æдæппæтæй у 131 940 км² (дунейы 94-æм). Цæрынц дзы 10 964 020 (2003-æм азы; уымæй у дунейы 70-æм).

Административон æгъдауæй дихгонд у 13 зылдыл (хуыйнынц периферитæ), периферитæ та дихгонд сты лыстæгдæр иуæгтыл — 51 префектурæйыл.

Грекъ йæ хæдбардзинады бон бæрæг кæны 6 апрелы. Хæдбар паддзахад сси 1821-æм азы, Османты империйæ йæхи ссæрибар кæнгæйæ.

Нырыккон Бердзен у дунейы ахсджиагдæр туристон бæстæтæй иу. Бердзен экспорт кæны хъæууон хæдзарады продукци. Гречъы компанитæм ис дунейы базарадон наутæй сæ фылдæр хай.

Истори

Рагон Грекъ

Рагон Грекъ нымад у ныгуылæн цивилизацийы авдæныл. Нæ эрæйы агъоммæ III миназонмæ ’ввахс Криты сакъадахы фæзындис размæцыд минойаг цивилизаци, фæстæмæ сæ культурæ фæхæлиу ис материкыл. Фæстæдæр райдыдта критаг-микенаг (æндæр ныхасæй эгейаг) цивилизацийы дуг. Фæзындысты грекъаг полистæ; Стыр Грекъ, Къаннæг Ази æмæ Цæгат Сау денджызы былыл антикон колонитæ дæр.

Полистæ Афинæтæ æмæ Спартæ фæуæлахиз сты Персийыл, фæлæ сæ уый фæстæ Фивтæ ныппырх кодтой.