Гамхърелидзе, Реваз Валерианы фырт

Реваз Валерианы фырт Гамхърелидзе
Реваз Валерианы фырт Гамхърелидзе
Райгуырды датæ	1927-æм азы 4 февралы
Райгуырæны бынат	Кутаис, Гуырдзыстоны ССР, Советон Цæдис;
Мæлæты датæ	2025-æм азы 5 майы (98 азы)
Мæлæты бынат	Мæскуы, Уæрæсе;
Бæстæ	Советон Цæдис; Уæрæсе;
Зонады къабаз	топологи[d], вариацион хынцынад[d] æмæ дифференциалон æмбæрты теори[d]
Куысты бынат	Стекловы номыл Математикон институт[d];
Альмæ-матер	Тбилисы паддзахадон университет; МПУ-йы механикон-математикон факультет[d];
Ахуырадон къæпхæн	физикон-математикон зонæдты доктор[d]
Зонадон разамонæг	Лев Понтрягин[d]
Хорзæхтæ æмæ премитæ

Рева́з Валериа́ны фырт Гамхърели́дзе (райгуырдис 1927-æм азы 4 февралы Кутаисы — амардис 2025-æм азы 5 майы Мæскуыйы) у советон æмæ уæрæсейаг ахуыргонд, математик. Советон Цæдисы Зонæдты академийы уæнг-корреспондент математикæйы хайады 1981-æм азæй, Уæрæсейы зонæдты академийы уæнг 2003-æм азæй, Гуырдзыстоны зонæдты академийы уæнг 1969-æм азæй^[3].

Йæ фыдыфыд уыд юрист, Кутаисы зындгонд адвокат. Фыд каст фæцис Тбилисы университет æмæ куыста чингуыты рауагъдады; репрессигонд æрцыдис 1924-æм æмæ ма 1937-æм азы. Ахуыргонды мад моймæ ацæуыны фæстæ бацыдис Тбилисы университеты литературон факультетмæ. Йе ’фсымæр Тамаз Гамхърелидзе сси зындгонд лингвист æмæ скæсæнзонæг.

Скъоладзау ма куы уыдис, Гамхърелидзе йæ хистæр æмбал Иотам Карцивадзеимæ ахуыр кодта уæлдæр математикæ Николай Мусхелешвилийы ахуыры чиныг «Аналитикон геометрийы курс», зæгъгæ, уымæ гæсгæ. 1945-æм азы бацыдис Тбилисы университетмæ, фæлæ фыццаг курсы фæста раивта Мæскуымæ, каст фæцис Мæскуыйы паддзахадон университеты механикон-математикон факультет (1950).

1953-æм азæй кусы Зонæдты академийы Математикон институты, 1953-æм азы бахъахъхъæдта йæ кандидатон диссертаци, 1960-æм азы та сси зонæдты доктор.

Гамхърелидзейы куыстытæй сæ фылдæр сты топологийы тыххæй, стæй та дифференциалон æмбæрты теори æмæ вариацион хынцынады тыххæй. Стыр бавæрд бахаста оптималон процессты теоримæ.

1962-æм азы Реваз Гамхърелидзе, Лев Понтрягин, Владимир Болтянский æмæ Евгений Мищенко райстой Ленины номыл преми оптималон процессты математикон теори сфæлдисыны тыххæй^[4].

Библиографи

Математическая теория оптимальных процессов, 3 изд., М., 1976 (æд Л. С. Понтрягин, В. Г. Болтянский, Е. Ф. Мищенко);
Основы оптимального управления, 2 изд., Тб., 1977.

Фиппаинæгтæ

Æддаг æрмæг

[_0a6874733c7806d8-1] WorldCat Entities (англ.) — OCLC, Inc., 2022.

[_f8321059153d788d-2] ttp://www.viniti.ru/news/483-gamkrelidze-nekrolog

[3] Академику Гамкрелидзе Ревазу Валериановичу — 85 лет!

[4] История открытия принципа максимума Понтрягина

[1]

[2]

[3]

[4]