Бибылты Анатолий

Сæрибар энциклопеди Википедийы æрмæг.
Бибылты Анатолий
Бибылты Анатолий
Тырыса
4-æм Хуссар Ирыстоны президент
Тырыса
2017-æм азы 21 апрелæй  — ныры онг
Раздæр чи уыд: Тыбылты Леонид
 
Парти: Иугонд Ир
Ахуырад: Рязаны уæлдæр уæлдæфон-десантон командыгæнæг училище
Райгуырд: 1970-æм азы 6 февралы
Цхинвал

Бибылты Ильяйы фырт Анатолий (райгуырдис Цхинвалы, 1970-æм азы 6 февралы) у Хуссар Ирыстоны 4-æм президент, политик æмæ æфсæддон архæйæг, раздæр парламенты сæрдар[1].

1992-æм азы каст фæцис Рязаны уæлдæр уæлдæфон-десантон командыгæнæг училище, ахуыры дæргъы йæхи хорз равдыста спорты.

1992-æм азы Псковы десанты дивизийы сконды архайдта сабыргæнæг операцийы Хуссар Ирыстоны.

1994-1996 уыдис РХИ-йы иргъæфы министрады сæрмагонд ротæйы командир.

1996-1998 азты куыста Киевы.

1998-æм азæй 2008-æм азы онг службæ кодта, Хуссар Ирыстоны цы цыппарфарсыг сабыргæнæг тыхтæ уыдысты, уыдоны Цæгат Ирыстоны батальоны.

2011-æм азы æвзæрстытæ[ивын | Бындур ивын]

2011-æм азы уыдис Хуссар Ирыстоны президенты бынатмæ кандидаттæй иу, фыццаг туры райста æппæты фылдæр хъæлæстæ (25,44%) æмæ дыккаг турмæ рацыдис[2].

Бибылты Анатолийы фарс президенты æвзæрстыты хæцыдысты раздæры архайгæ президент Кокойты Эдуард[3], политикон парти «Иудзинад» æмæ коммунистон парти[4]. Æвзæрстыты фыццаг туры фæстæ Бибылы-фырты фарс слæууыдысты иуæй-иу раздæры кандидаттæ дæр, уыдоны ’хсæн Хъотайты Алан[5].

2017-æм азы æвзæрстытæ[ивын | Бындур ивын]

Президенты æвзæрстыты фæдыл 2017 азы Бибылы-фырт архайгæ президент Тыбылты Леонидыл фæуæлахиз æмæ райста хъæлæсты 54,8 %[6].


Фиппаинæгтæ[ивын | Бындур ивын]