Бекъойты Елиоз

Бекъойты Елиоз
Райгуырды датæ	3 (16) июны 1909 кæнæ 1909-æм азы 3 июлы(1909-07-03)
Райгуырæны бынат	Джер, Дзауы район, Хуссар Ирыстоны автономон бæстæ, Гуырдзыстоны ССР
Мæлæты бон	1970-æм азы 2 февралы(1970-02-02) (60 азы) кæнæ 1970-æм азы 3 январы(1970-01-03) (60 азы)
Мæлæты бынат	Цхинвал, Гуырдзыстоны ССР, Советон Цæдис
Æмбæстонад	Советон Цæдис
Архайды хуыз	фыссæг
Уацмысты æвзаг	ирон
Хорзæхтæ

Бекъойты Дауыты фырт Елиоз (райгуырдис 1909 азы Хуссар Ирыстоны Джеры хъæуы — амардис 1970-æм азы 2 февралы Цхинвалы) у ирон фыссæг æмæ журналист.

Цардафыст

Фынддæсаздзыдæй рафтыд Цæгат Ирыстонмæ. Мызурыбыны куыста æрзæтыссæн фабричы æмæ ахуыр кодта изæрон скъолайы. 1928 азы каст фæци Цхинвалы ахуыргæнджыты скъола æмæ куыста ахуыргæнæгæй, Ростовы рабфакы фæстæ та Рустауы астæуккаг скъолайы директорæй.

Хæсты размæ Елиоз уыд журнал «Фидиуæджы» бæрнон секретарь, стæй та — газет «Коммунист»-ы («Советон Ирыстон»-ы) хайады сæргълæууæг, бæрнон секретарь. Хæстмæ йæ куы акодтой, уæд æй сæвæрдтой æфсæддон газеты редакторæй, стæй та — политхайады инструкторæй.

1944 азы Бекъойы фырт цæфтæй сыздæхт тохы быдырæй. Уыд Хуссар Ирыстоны Фысджыты цæдисы сæрдар. Уый фæстæ куыста Цæгат Ирыстоны радиойы, газет «Рæстдзинад»-ы редакцийы, газет «Советон Ирыстон»-ы бæрнон секретарæй, Хуссар Ирыстоны чингуыты рауагъдады директорæй.

Бекъойты Елиозы фыццаг радзырд «Ног хъæу» мыхуыры рацыд 1929 азы газет «Хурзæрин»-ы. Уæдæй фæстæмæ йæ чингуытæ баисты дыууадæсæй фылдæр. Æцæг фыссæджы кад ын скодта æртæ чиныгæй фыст роман «Фатъимæт», рацыдысты 1947, 1949, 1958 азты. Ныффыста цалдæр пьесæйы, ирон æвзагмæ раивта А. Чеховы, А. Хъазбегийы, М. Шолоховы, А. Толстойы æмæ æндæр фысджыты уацмыстæ.