Ахматова, Раисæ Солтамурады чызг

Сæрибар энциклопеди Википедийы æрмæг.
Перейти к навигации Перейти к поиску
Ахматова Раисæ Солтамурады чызг
Гуырæн бон:

1928-æм аз, 30-æм декабрь

Мæлæты бон:

1992-æм аз, 29-æм январь

Архайды хуыз:

поэт, публицист

Сфæлдыстады азтæ:

1958—1992-æм æзтæ

Жанр:

æмдзæвгæтæ

Уацмысты æвзаг:

уырыссаг, цæцæйнаг

Хорзæхтæ

Адæмты хæлардзинады орден
Кады нысан

Раисæ Солтамура́ды чызг Ахма́това (райгуырд 1928-æм азы 30 декабры, Грознайы, ССРЦ — амард 1992-æм азы 29 январы, Грознайы, Уæрæсейы) — цæцæйнаг советон поэт, Цæцæн-Мæхъхъæлы АССР-ы Адæмон поэт, Цæцæн-Мæхъхъæлы АССР-ы Фысджыты цæдисы сæрдар 1963-æм азæй 1985-æм азы онг.

Цардафыст[ивын | Бындур ивын]

Райгуырд кусæджы бинонты 1928-æм азы 13-æм декабры. 1943-æм азы фæци Грознайы педагогон училище. Депортацийы æзты, 1946-æм азæй 1956-æм азы онг куыста ахуыргæнæгæй Хъазахстаны. 1956-æм азæй райдыдта кусын журналистæй. 1958-æм азы бацыд Уæлдæр литературон курстæм А. М. Горькийы номыл литературон институтмæ[1].

Раисæ Ахматова уыд фыццаг сылгоймаг, кæцыйы схорзæхдзын кодтой «Цæцæйнаг-Мæхъхъæлон адæмон поэт»-ы номæй. Фыццаг хатт цæцæйнаг литературæйы Ахматова йæ хъайтарты равдыста удгоймæгты хуызы, кæдон æхсæнады царды истой активон хайад. Цикл «Иууыл зынаргъдæр»-ы (æмбырд «Откровение») Ахматова фыста йæ райгуырæн бæстæйыл, дунейыл æмæ хæлардзинадыл. Йæ чингуытæ мыхуыры рацыдысты ССРЦ-йы бирæ адæмты æвзæгтыл. Уымæй уæлдай ма уыдысты тæлмацгонд хиндимæ, англисаг, францусагмæ, польшæйаг æмæ немыцаг æвзæгтæм[2].

Активон хайад иста æхсæнады царды. Уыдис Цæцæн-Мæхъхъæлы АССР-ы Фыссджыты цæдисы сæрдар 1961-æм азæй 1983-æм азы онг, КПСС-ы XXII-æм съезды делегат. Бирæ æзты дæргъы уыд Дуне хъахъхъæнынады Советон Комитеты уæнг. Йæ царды фæстаг æзты уыд республикæйы Культурæйы уынаффæйадон фонды сæрдар.

Кæцыдæр иртасджытæ æнхъæлынц, æмæ йе ’мдзæвгæты архив (600 папкæйæ фылдæр) Фыццаг цæцæйнаг хæсты рæстæг фесæфт.

Хорзæхтæ[ивын | Бындур ивын]

  • Адæмты хæлардзинады орден (1979-æм азы 2-æм январы)
  • Орден «Кады нысан»
  • Майдантæ

Аивады[ивын | Бындур ивын]

1972-æм азы Иван Бекичев сарæзта Раисæ Ахматовайы скульптурон портрет.

Мысæн[ивын | Бындур ивын]

2012-æм азы Раисæ Ахматовайы баргъæвтой Æппæтдунеон сылгоймæгты поэзийы антологимæ цæцæйнаг поэзийы минæварæй[3].

Фиппаинæгтæ[ивын | Бындур ивын]

  1. Раиса Ахматова. Жизнь и творчество народной поэтессы liveinternet.ru. Бæрæггонд æрцыд   2017-11-20.
  2. Казаков А. И. (составитель) {{{сæргонд}}}.
  3. grozny-inform.ru Имена чеченских поэтесс Раисы Ахматовой и Лулы Куни вошли в Антологию Всемирной женской поэзии archive.li. Бæрæггонд æрцыд   2017-11-20.


Æрвитæнтæ[ивын | Бындур ивын]