Архайæджы ныхас:Руслан

Чырыстон дин, уырыссаг текст æмæ «къуымыхтæ»

Ирон Википедийы статьятæ хъуамæ фыссæм æрмæст иронау. Кæд дæ бон у, уæд ратæлмац кæн да текст Сыгъдæг Никъалайы тыххæй. -- Amikeco 08:02, 2 Май 2005 (UTC)

Мæ бон æй бæргæ у ирон æвзагмæ дæр ратæлмац кæнын, фæлæ æрмæг ацы ран бавæрын къуылымпыйаггомау у мæн хуызон "къуымыхтæн". Худæг дæм кæсдзæн, уæддæр.. Сыгъдæг Никъала зæгъгæ никуы фехъуыстон, Никкола/Ныккола зæгъгæ йæ хонынц. -- Руслан

Ома, хуымæтæджы форумты куыд архайыс, афтæ дæр ам. Цыдæриддæр редактор райс, "Ворд" кæнæ æндæр исты, дæ текст дзы ныффысс, стæй ардæм æй бавæр. Уый фæстæ та æндæр википедийæгтæ сформат æй кæндзысты. Ныфсæй цух макуы у! ;) -- Amikeco 12:15, 2 Май 2005 (UTC)

"Сыгъдæг Никъала" та мæхæдæг не 'рхъуыды кодтон. Кæддæр мæм барвыстой мæнæ ахæм куыды текст — Хуыцаумæ нын кув, сыгъдæг Хуыцауы æхцон Никъала Туаллаг — ныр дæр кусы мæнæ ацы фарсыл. -- Amikeco 12:15, 2 Май 2005 (UTC)

Дискусситы тыххæй

Цæмæн цæстуынгæ уа, чи цы ныффыста, уый, хъуамæ уæ ныхасы кæрон цыппар тильдæйы (~) æвæрай. Уыцы тильдæтæ автоматон уагæй суыдзысты дæ къухæвæрд. -- Amikeco 12:15, 2 Май 2005 (UTC)

Amikeco. Ау, æмæ дæм куыд кæсы мæ тæлмац? Руслан 04:49, 3 Май 2005 (UTC)

Фен-ма, иу æрмæг ма бафтыдтон "Хъæуты" темæйы. Цыма раст рауади, æви нæ? - Руслан 07:47, 3 Май 2005 (UTC)

Иттæг хорз дын рауади! Рахастон æй Æхсæрисæр, зæгъгæ, ахæм статьямæ. -- Amikeco 08:26, 3 Май 2005 (UTC)

Куысты райдиан æмæ дзырд "дыгурон"

Amikeco. Тынг хорз мæ фыстытæм дæ къух бавæрдтай! Афтæмæй бынтон хорз рауадысты.. Иронау дæр мæм ис æрмæджытæ æмæ уыдон дæр ныммыхуыр кæндзыстæм. Зæгъынмæ дын хъавыдтæн, "дыгУыронау" зæгъгæ цæмæн фыссыс? Уый раст нæу. Дыгурон, дыгуронау - афтæ раст уыдзæн иронау ныхасгæнгæйæ. - Руслан 22:04, 3 Май 2005 (UTC)

"Садись, Иванов, два". Дзырдуат дæр демæ разы у. Цæуын уыцы æнæхаир рæдыд раст кæнынмæ... ;) - Amikeco 22:19, 3 Май 2005 (UTC)

Цæуылты фæтыхсыс.. Æвæццæгæн дæ ферох. - Руслан 06:25, 4 Май 2005 (UTC)

Стыр тексттæ

Amikeco, знон мæ бæргæ фæндыди стыр текст ныммыхуыр кæнын "Цæгат Ирыстоны Республикæ" зæгъгæ.. Фæлæ мæм иронау уыцы энциклопедион æрмæг нæй, æмæ йæ мæ зæрдтæй иу уырыссаг хорз текстæй тæлмац кодтон. Рагон историон хабæрттæ бæргæ æнæзынæй мæ къухы бафтыдысты, фæлæ куыддæр æввахсдæр рæстæджытæм æрхæццæ дæн, афтæ бакъуыммæ дæн.. Тынг бирæ ныхæстæ мæ терминтæ иронау зын зæгъæн ысты æмæ æгæр "уырыссаг" текст уайы. Зæгъæм: "Республика Северная Осетия-Алания является современным промышленно-индустриальным регионом, здесь функционируют такие-то производства (электротехническая, электроламповая, энергетическая..), такие-то заводы и фабрики и тд. То есть, получается не очень красиво, так как все эти слова и термины не имеют на мой взгляд осетинских аналогий, либо переводов, а в таком виде для Осетинской энциклопедии такой текст выглядит как-то неестественно. Что ты по этому поводу думаешь? - Руслан 06:23, 5 Май 2005 (UTC)

Дынджыргомау дзуапп дын дæттон:

1. Æрдæгцæттæ статьятæ сты Википедийы хъæздыгдзинад. Дæ алы черновик дæр ардæм, статьятæм, бавæр. Æппындæр ницыйы бæсты «къæртт» бирæ хуыздæр у.

2. Уырыссагау цы текст дæндцæгæн ныффыстай, уый уырыссагау дæр æгæр «хус» у, фæллад лæгау æдых. Иронау та бынтондæр ницы хуызы хъуысы уый тыххæй æмæ ир не сахуыр сты ахæм стильмæ гæсгæ фыст тексттæ кæсын. Ис дзы дыууæ гæнæны:

а) Дæу куы нæ фæнды ахæм цыдæртæ фыссын, уæд сæ макуыуал фысс. Ис нæм бирæ статьятæ рагон хабæрттæ æмæ æгъдæутты тыххæй, кæцытæ æнхъæлмæ кæсынц дæ клавиатурæмæ ;) Уыдоны ’хсæн: ирон адæм, Кавказ, ирæд, Нарты кадджытæ, Дыгургом æмæ а. д.

б) Цыдæриддæр хус текст уырыссагау æмæ иронау дæр ис рафыссæн «дæхи ныхæстæй». Зæгъæм, ды цы цитатæ радтай, уый бындурыл: «Цæгат Ирыстоны ахæм промышленон кусæндæттæ/куыстуæттæ сты (уыдоны номхыгъд ам)» кæнæ та «Цæгат Ирыстоны промышленон куыстуæтты ’хсæн æппæты раззæгдæр сты мæнæ адон: завод "Электроцинк", ВВРЗ æмæ ОЗАТЭ» (дæнцæгæн æй фыссын; æцæг тексты æндæр номхыгъд уаид). Кæд лæмбынæгæй дæ уырыссаг текстмæ æркæсæм, уæд йæ райдианы ницы энциклопедион æрмæг ис: алчи дæр æмбары, Ирыстон йæ сыхæгтæй лæгъуздæр кæй нæу, уый, фæлæ уыцы куыстуæттæй ныр дæр чи архайы, уыцы куыстуæттæй чи цы уадзы — гъе уый цымыдиссаг æрмæг у.

Фарн дæ куысты! - Amikeco 08:03, 5 Май 2005 (UTC)