Чахкиев, Саид Идрисы фырт

Саид Идрисы фырт Чахкиев
Райгуырды датæ	1938-æм азы 22 январы(1938-01-22)
Райгуырæны бынат	Насыр-Корт, Назраны район, Цæцæн-Мæхъхъæлы АССР[d], Уæрæсейы СФСР, Советон Цæдис
Мæлæты бон	2008-æм азы 30 октябры(2008-10-30) (70 азы)
Æмбæстонад (дæлхицауад)	Советон Цæдис  Уæрæсе
Архайды хуыз	фыссæг, поэт
Сфæлдыстады азтæ	1960 —
Уацмысты æвзаг	мæхъхъæлон

Чахкиев Идрисы фырт Саид (мæхъхъ. Чахки Саид Идриса воI; райгуырдис 1938-æм азы 22 январы Насыр-Корты, амардис 2008-æм азы октябры) у мæхъхъæлон фыссæг, поэт, драматург, культурæйы архайæг. 1963-æм азæй фæстæмæ уыдис ССРЦ-ы Фысджыты цæдисы уæнг.

Фыста сывæллæттæн (уырыссаг тæлмацы рацыдис йæ чиныг «Идиг, Мадиг æмæ гыццыл чызг» (уырыс. «Идиг, Мадиг и маленькая девочка»), æппæлыдæуыдис йæ поэтикон сфæлдыстад. Мæхъхъæлон æвзагмæ тæлмац кодта дæсгай авторты æмдзæвгæтæ.

Чахкиев ныффыста æртæ романы: «Сыгъзæрин цæджындзтæ» (мæхъхъ. Дошо бIоагIий, 1963, мæхъхъæлон литературæйы фыццаг роман), «Æрмæстдæр афтæ» (мæхъхъ. Иштта мара, 1967) æмæ «Бирæгъты æхсæвтæ» (мæхъхъ. Бертий бийсаш, 1970).

Чахкиев куыста бирæ бæрнон бынæтты, уыдоны ’хсæн: Мæхъхъæлы ахсджиагдæр газет «Сердало»-йы сæйраг редактор, Цæцæн-Мæхъхъæлы АССР-йы радио æмæ телеуынынады комитеты сæйраг редактор, куклаты республикон театры директор, альманах «Хæхты райсом»-ы («Лоаман Iуйре») сæйраг редактор, сывæллæтты журнал «Арвырон»-ы («СелаIад») сæйраг редактор, Мæхъхъæлы Республикæйы Фысджыты цæдисы сæрдар, Мæхъхъæлы Республикæйы культурæйы министр.

Æддаг æрвитæнтæ

• Чахкиев Саид Идрисович (уырыс.)
• Виктор Котляров. Суть Саида Чахкиева (уырыс.)