Чаморро, Виолетæ

Сæрибар энциклопеди Википедийы æрмæг.
Виолетæ Чаморро
исп. Violeta Barrios de Chamorro
1990-æм азы 25 апрелы — 1997-æм азы 10 январы
Раздæр чи уыд Даниэль Ортега
Фæстæдæр Алеман Лакайо, Хосе Арнольдо[d]
Райгуырдис 1929-æм азы 18 октябры(1929-10-18)[1][2][3] (94 азы)
Æмкъай Pedro Joaquín Chamorro Cardenal[d]
Сывæллæттæ Cristiana Chamorro Barrios[d], Carlos Fernando Chamorro[d], Claudia Chamorro Barrios[d] æмæ Pedro Joaquín Chamorro Barrios[d]
Парти
Ахуырад
Хорзæхтæ
Сайт violetachamorro.org.ni
ВикиКъæбицы логотип Викикъæбицы медиа

Виолетæ Чаморро (исп. Violeta Barrios Torres de Chamorro; райгуырд 1929 азы 18 октябры Ривасы сахары) у Никарагуæйы хистæр фæлтæры политик, 19901997 азты уыцы паддзахады президент. Уый æвзæрст куы æрцыд, уымæй сси Никарагуæйы фыццаг ус-президент æмæ Цæгат Америкæйы дыккаг (уый размæ Гаитийы ма уыди ус-президент).

Виолетæ Чаморро у хъæздыг зæхджын никарагуæйаг мыггаджы минæвар, йæ мыггагæй XIX æнусы дæр цалдæр президенты æмæ дæсгай политиктæ уыд. Ахуыр кодта АИШ-ы, фæлæ йæ фыды низы аххосæй раздæхти Никарагуæмæ 1947 азы.

Сомосаты клан хицауиуæг куы кодта, Виолеттæ Чаморро уыд оппозицион журналист. Куыста газет «Ла-Пренсæ»-йы. Сандинисттæ куы фæуæлахиз сты, уæд дæр Чаморро разы нæ уыд, цалынмæ йæхæдæг президент сси, уæдмæ. Зæгъæн и, æмæ нырыккон Никарагуæйы фыццаг президент уыд, Сомосаты диктатурæ æмæ сандинистты революцион хицауады фæстæ.

Виолетæ Чаморро сарæзта йæхи фонд (Fundación Violeta Barrios de Chamorro), уыцы организаци æххуыс кæны ныхасы сæрибарæн, суинаг журналисттæ разæнгард кæны, тох кæны мæгуырдзинады ныхмæ[4].

Фиппаинæгтæ[ивын | Бындур ивын]

  1. Violeta Barrios de Chamorro // Encyclopædia Britannica (англ.)
  2. Violeta Chamorro // FemBio database (нем.)
  3. Violeta Chamorro // Munzinger Personen (нем.)
  4. Archive copy(недоступная ссылка). Датæ: 2009-æм азы 27 январы. Архив 2010-æм азы 18 июны.