Убыхаг æвзаг

Сæрибар энциклопеди Википедийы æрмæг.

Убыхаг æвзаг у, абхаз-адыгаг бинонтæм чи хауы, ахæм мыггагыскъуыд æвзаг. Убыхагау дзырдтой убыхæгтæ, фæстаг убыхагау дзурæг адæймаг Тевфик Есенч фæзиан Турчы 1992-æм азы.

Убыхаг æвзагыл чи дзырдта, уыцы адæмы цæрыны сæрысуангон зонæ уыди Кавказы сауденджызон былтæ.

1860-æм азты, Кавказы хæсты фæстæ убыхæгты фылдæр хай Уæрæсейы хицауадæй æрцыдысты æрвыст Туркмæ; Кавказы чи баззади, уыдон та батадысты уыцы регионы æндæр бынæттон адæмты ’хсæн.

Убыхаг æвзаг хъуыстгонд у йæ уникалон фонетикæйæ — ис дзы 84 æмхъæлæсон (уыдонæй цыппар мыры æмбæлынц æрмæст æрбайсгæ дзырдты) æмæ дыууæ хъæлæсон мыры (дæргъвæтин «а» æмæ цыбыр «а»).