Торчынаты Евгени

Сæрибар энциклопеди Википедийы æрмæг.

Торчынаты Алексейы фырт Евгени (райгуырдис 1956 азы 22 августы, Дзæуджыхъæуы — амардис 2003 азы 12 июлы, Бетъырбухы) уыдис уæрæсейаг динзонынады специалист; йæ раиртæстыты сæйраг къабæзтæ уыдысты синологи (китайзонынад), буддологи, Китайы философи æмæ культурæйы истори.

Цардафыст[ивын]

Евгени райгуырдис 1956 азы 22 августы Дзæуджыхъæуы. Райгуырдæй цъус фæстæдæр йæ бинонтæ ацыдысты цæрынмæ Саратовмæ.

1973-æм азы Торчыны-фырт каст фæцис 67-æм астæуккаг скъола æмæ бацыдис Бетъырбухы паддзахадон университеты скæсæйнаг факультетмæ, китайаг филологийы кафедрæмæ. 1978 азы ссис Дин æмæ атеизмы историйы паддзахадон музейы аспирант. 1981–1984-æм азты уый уыдис уыцы музейы кусæг. 1984 азы Торчыны-фырт райдыдта кусын ССРЦ-йы Зонæдты академийы Скæсæнзонынады институты Ленинграды хайадмæ. Уым ахуыргонд фæкуыста 10 азы.

1994-æм азы Торчынаты Евгени бахъахъхъæдта диссертаци ахæм темæйыл: «Даосизм. Историон-динзонынадон афысты фæлтæрæн». 1998-æм азы уый уыдис БПУ-йы философион факультеты дин æмæ динзонынады философийы кафедрæйы сæргъы. 1999-æм азæй Торчынон уыдисуыцы университеты философион факультеты философи æмæ культурологийы кафедрæйы сæргълæууæг.

Амардис Торчыны-фырт 2003-æм азы 12 июлы.

Торчыноны номарæн бакæстытæ[ивын]

2004-æм азы 20–21 февралы Бетъырбухы паддзахадон университеты уыдис Торчыноны номарæн фыццаг бакæстытæ «Динзонынад æмæ скæсæнзонынад»-ы темæйыл.

Æрвитæнтæ[ивын]

Ссылки[ивын]