Токугава Ёсинобу

Сæрибар энциклопеди Википедийы æрмæг.
Tokugawa yoshinobu.jpg
Yoshinobu Tokugawa 2.jpg

Кънйаз Токугава Ёсинобу (яп. 徳川 慶喜?, 28 октября 1837 — 22 ноября 1913) уыдис Токугавайы династийы 15-æм æмæ Японы фæстаг сёгун, зындгонд ма у куыд сёгун Кейки.

Архайдта Японы бæстæ среформæтæ кæныныл. Йæ политикæйы мидæг Токугава æнцой кодта Францыл, йæ ныхмæлæуджытæ та — Стыр Британи æмæ АИШ-ыл.

Мэйдзийы Революцийы рæстæджы, 1867-æм азы, Токугавайæ байстæуыд тыхбар. Раппæрсты фæстæ йæ сургæ нæ кодтой, фæлæ йæхæдæг дæр паддзахады æхсæндзарды хъуыддæгты нал архайдта.

Политикæйæ куы ацыдис, уæд Токугава йæ зæрдæ лæвæрдта цуанæн, фат æхсынæн, къамтæ исынæн æмæ велосипедыл бадынæн.

1902-æм азы император Мэйдзи радта Токугавайæн йæхи дворяйнаг мыггагæн бындур æрæвæрыны бар æмæ йын Японы сæраппонд æнувыд куысты тыххæй балæвæрдта кънйазы уæлдæр титул.