Тедеты Хъауырбег

Тедеты Уасилы фырт Хъауырбег (райгуырдис 1925-æм азы Хъорсеуы) у зындгонд ирон мыдгæс, Хуссар Ирыстоны автономон бæстæйы хъæууон хæдзарады зынгæ архайæг.

Цардафыст

Тедеты Хъауырбег райгуырдис Хъорсеуы хъæуккаг зæхкусæджы бинонты ’хсæн. Каст фæцис Хъорсеуы авдазон скъола, стæй Цхинвалы медицинон техникум, Хуссар Ирыстоны паддзахадон пединститут, ахуыр кодта Мæскуыйы мыддарды зоотехникты цæттæдзинад бæрзонддæр кæныны институты.

Тедеты Хъауырбег куыста Цхинвалы эвакогоспиталы хистæр фельдшерæй (1942-æй азы), стæй уыдис облæсты мыддарды сæйраг зоотехник, Мармазеты, Додоты, Громы колхозы сæрдар, Дзауы хъæууонхæдзарадон управленийы хицау æмæ фосдарды совхозы директор, Цъоны дзидза-æхсыры совхозы парткомы секретарь, Дзауы райæххæстскомы хъæууонхæдзарадон управленийы сæйраг зоотехник. Хорзæхджынгонд æрцыдис æртæ майданæй, «Кады нысан» æмæ «Фæллойы Сырх тырыса»-йы орденæй.

Хъауырбег ныффыста цалдæр чиныджы мыддарды тыххæй:

• Мыддарды куыст
• Алы чыргъæдæй дæр 32 кг мыд
• Мыдгæстæн æххуыс
• Мыддарды иуæй-иу фарстытæ
• Хуссар Ирыстоны мыдхæссæг зæйæгойтæ
• Æххуыс мыдгæсæн (Цхинвал, 1979)