Талышы хæхтæ

Сæрибар энциклопеди Википедийы æрмæг.

Талышы хæхтæ (перс. کوههای تالش Kuhāe Tālesh, азерб. Talış dağları, ома «талышаг хæхтæ», талышаг адæмы номæй) сты, æхсæнхæххон (уырыс. межгорный) агаутæй хицæнгонд чи сты, уыцы æртæ къæдзæхы: Сæйраг донхатæн рагъ, Пештары æмæ Буровары рæгътæ. Æрбынат кодтой Азербайджаны хуссар-скæсæны тæккæ кæрон æмæ Ираны арæйнаг районты.

Сæ дæргъ у 100 км, бæрзонддæр цъуп — 2477 метры (хох Кюмюркёй).

Талышы хæхты скæсæнвахс зайынц субтропикон уæрæхсыфджын хъæдтæ, 600 метры бæрзæндыл сæ раивынц тæрсытæ, уæлхох ран та — уыгæрдæн; хæхты ныгуылæнвæхстыл зайынц ксерофитон æмбæлæдтæ[1].

Талышы хæхты территорийыл æрбынат кодта Гирканы национ парчы иу хай. Ацы парк сарæзтæуыд 2003-æм азы æмæ дзы зайы кайнозойон эрæйы реликтон хъæд.

Скæсæны Талышы хæхтæ Къаспы денджызы ’хсæн ис Ленкораны дæлвæз, Чысыл Кавказы хохмассивтæй та сæ хицæн кæны Муганы быдыр. Хуссары æмæ ныгуылæны Талышы хæхтæ сты æмарæн Ираны уæлвæзы æндæр массивтимæ.

Административон æгъдауæй Талышы хæхтæ æвæрд сты Азербайджаны ацы районты: Ленкораны, Лерикы, Масаллыйы æмæ Ярдымлыйы.

Галерей[ивын]

Уымæй фылдæр кæс[ивын]


Фиппаинæгтæ[ивын]

  1. ru:Ксерофиты (уырыс.)