Сомихаг диаспорæ

Сæрибар энциклопеди Википедийы æрмæг.
Сомихаг диаспорæйы ахæлиу дунейы. Тардæр хуызтæ æвдисынц, стырдæр сомихаг къордтæ кæм цæрынц, ахæм паддзахæдты

Сомихаг диаспорæ у сомихаг адæмы фылдæр хай, Сомих æмæ Уæлхох Карабахы æдде чи цæрынц, уыдон. Сомихæгтæ æдæппæт нымæц у 8—10 милуан адæймаджы[1], уыдонæй сомихаг паддзахæдты цæрынц 3,3 милуан æмæ 130 мин. Сомихаг диаспорæйы нымæц у 8 милуан адæймаджы бæрц[2].

Сомихаг диаспорæ фæзынди, сомихæн сæхи паддзахад куы дæрæнгонд æрцыд 1375-æм азы, уæд. Уыцы диаспорæ дзæвгар фæфылдæр XX æнусы сомихæгты геноциды фæстæ. Уæд бирæ сомихæгтæ ралыгъдысты Скæсæйнаг Европæмæ, Балкайнаг æрдæгсакъадахмæ, Æввахс Скæсæны бæстæтæм.

Сомихæгты стырдæр къорд (Сомихы фæстæ) цæры Уæрæсейы, сæ фылдæр — Цæгат Кавказ æмæ Мæскуыйы. Зынгæ сомихаг диаспорæ рагæй ис Цæгат Ирыстоны дæр; кусы дзы сомихæгты культурон æхсæнад «Эребуни», Дзæуджыхъæуы центры лæууы сомихаг аргъуан.


Фиппаинæгтæ[ивын]

  1. Миниатюрные Империи: Исторический Словарь Недавно Независимых государств — Страница 3 Джеймс Б. Минахан
  2. BBC NEWS | Европа | Армения стремится повышать население