Буачидзе, Самуил Григорийы фырт

Самуил Григорийы фырт Буачидзе
Самуил Григорийы фырт Буачидзе
	гуырдз. სამუელ გრიგოლის ძე ბუაჩიძე
Псевдонимы	Ной
Райгуырды датæ	1882-æм азы 5 июны
Райгуырæны бынат	Парцхнали, Кутаисы губернæ[d];
Мæлæты датæ	1918-æм азы 20 июны (36 азы)
Мæлæты бынат	Дзæуджыхъæу, УСФСР[d];
Куысты мыггаг	политик, революционер
Парти	Уæрæсейы кусджыты социал-демократон парти[d];

Самуил Григорийы фырт Буачидзе (гуырдз. სამუელ გრიგოლის ძე ბუაჩიძე), фæсномыг — Ной (гуырдз. ნოე; райгуырдис 1882-æм азы 5 июны, Кутаисы губернæйы Парцхналийы хъæуы — амардис 1918-æм азы 20 июны Дзæуджыхъæуы) — Уæрæсейы революционер-большевик, Цæгат Кавказы Советон влæсты сæрæппонд чи тох кодта, уыдонæй иу.

Цардафыст[ивын | Бындур ивын]

Буачидзе райгуырдис зæхкусæг бинонты ’хсæн. Каст фæцис хъæууон хæдзарады училище æмæ ахуыргæнджыты курсытæ. 1902-æм азы бацыдис партимæ. Разæнгæрд кодта зæхкусджыты тох 1905-æм азы революцийы рæстæг Ныгуылæн Гуырдзыстоны.

Ахстой йæ æмæ йæ арвыстой Сыбырмæ. Уырдыгæй алыгъдис 1911-æм азы Гуырдзыстонмæ, уырдыгæй та — фæсарæнмæ. Куыста Швейцарийы большевикты партийы хъуыддæгтыл. Февралы революцийы фæстæ, Ленины амындмæ гæсгæ, Ной Буачидзе аразта политикон эмигрантты раздæхт Уæрæсемæ. 1917-æм азы апрелы раздæхтис йæхæдæг дæр æмæ ссис Дзæуджыхъæуы советы президиумы уæнг. 1918-æм азæй — Терчы Советон Республикæйы адæмон комиссарты советы сæргълæууæг.

Фехстæуыд митингы рæстæг Дзæуджыхъæуы 1918-æм азы 20 июны.

Дæргъвæтин рæстæг Ной Буачидзейы ном хаста Дзæуджыхъæуы сæйрагдæр уынгтæй у — ныртæккæйы Къостайы проспекты цæгатаг хай.

Ацы уац адæймаджы тыххæй къæртт у, ома æрдæгцæттæ.
Википедийæн баххуыс кæн æмæ ацы уац раст æмæ стырдæр скæн.