Рудаки

Сæрибар энциклопеди Википедийы æрмæг.

Абу Абдаллах Рудаки (перс. ابو عبدالله رودکی, æндæр версимæ гæсгæ Абуль Хасан) (860-æм азмæ ’ввахс, Панджрудак, ныртæккæ Таджикистаны ис — 941) — персайнаг поэт.

Нымад у персайнаг-таджикаг классикон поэзийы бындурæвæрæгæй. Æрыгон ма уыди, афтæмæй йæхицæн кад скодта куыд зарæггæнæг æмæ музыкант-рапсод. Таурæгъмæ гæсгæ, æрдзæй куырм рахаста, фæлæ уæддæр райста хорз схоластикон ахуыр, зыдта араббаг æвзаг. 40 азæй фылдæр уыди Бухары хицæуты цур поэтты къорды сæргъы. Афтæмæй сси стыр кад æмæ мулчы хицау. Йæ мæлæтæй чысыл раздæр йæ цæрæн бæстæйæ æрцыд тард æмæ амарди мæгуыргурæй.

Йæ литературон бынтæй нæм æрхæццæ сты минмæ æввахс дыууæрæнхъоны. Æнæхъæнæй аирвæзти касыдæ «Бæгæныйы мад» (933) æмæ автобиографион «Зæрыбонтыл одæ», стæй 40 цыппаррæнхъоны. Йæ иннæ уацмыстæ нæ дугмæ æххæстæй не ’рцыдысты — уыдонæй баззади æрмæст скъуыддзæгтæ.

Ныртæккæ Рудакийы ном хæссы Душанбейы сæйраг проспект.