Персы бакæлæн

Сæрибар энциклопеди Википедийы æрмæг.

Тагъд æрвитæнтæ: навигаци, агуырд
Персы бакæлæн спутникæй

Персы бакæлæн (перс. خلیج پارس [халиджэ парс]) у Иран æмæ Аравийы æрдæгсакъадахы ’хсæн бакæлæн. Ормузы донкъубалæй баст у Оманы бакæлæнимæ, Аравийы денджызимæ æмæ Индийы фурдимæ. 1960-тæм азтæй иуæй-иу араббаг паддзахæдтæ рæгъмæ æрхæстой бакæлæны ном баивыны идейæ: араббагау йæ райдыдтой Арабы бакæлæн хонын (араб. الخلیج العربي‎‎ [al-ḫalīǧ al-ʻarabi])[1]. Ацы ном араббаг дунейы æдде нæ рапарахат, Иугонд Нациты Организаци æмæ æндæр организацитæ дарддæр пайда кæнынц раздæры номæй[2][3][4][1].

Персы бакæлæны былгæрон ис ахæм паддзахæдтæ: Оман, Арабы Иугонд Эмираттæ, Сауды Арави (Арабыстон), Катар, Бахрейн, Кувейт, Ирак æмæ Иран. Персы бакæлæнмæ кæлынц цæугæдæттæ Тигр æмæ Евфрат.

Персы бакæлæны регион нефтарæх кæй у, уый охыл йын ис тынг ахсджиаг геополитикон ахадындзинад. XX æнусы кæрон регионы цыдысты дыууæ стыр хæсты: Иран æмæ Ирачы ’хсæн хæст (1980—1988) æмæ Персы бакæлæны хæст (1991).

Гидрологион, гидрохимион æмæ æндæр æууæлтæм гæсгæ Персы бакæлæн у денджыз.

Commons:Category
ВикиКъæбицы ис нывтæ ацы темæйыл. Кæс:

[баив æй] Фиппаинæгтæ

  1. ↑ UN Map (æрвитæн)
  2. ↑ UN Map of Iran(æрвитæн)
  3. ↑ UN Map of Western Asia, (æрвитæн)
Ратæдзæн: «http://os.wikipedia.org/wiki/%D0%9F%D0%B5%D1%80%D1%81%D1%8B_%D0%B1%D0%B0%D0%BA%C3%A6%D0%BB%C3%A6%D0%BD»