Мосцицкий, Игнаций

Сæрибар энциклопеди Википедийы æрмæг.
Игнаций Мосцицкий
Ignacy Mościcki
1926-æм азы 4 июны — 1939-æм азы 30 сентябры
Раздæр чи уыд Станислав Войцеховский
Мацей Ратай

Райгуырдис 1867-æм азы 1 декабры(1867-12-01)[1][2][3][…]
Амардис 1946-æм азы 2 октябры(1946-10-02)[1][2][3][…] (78 азы)
Ныгæныны бынат
Æмкъай Михалина Мосциская[d]
Парти
Ахуырад
Професси химик
Архайд политикæ[5] æмæ хими[5]
Дин католик
Къухæрфыст Изображение автографа
Хорзæхтæ
Кæм куыста
ВикиКъæбицы логотип Викикъæбицы медиа

Игна́ций Мосци́цкий (варианттæ: Игнатий, Игнацы, Мостицкий, Мосьцицкий; пол. Ignacy Mościcki; райгуырдис 1867-æм азы 1 декабры, Межаново, Цеханувы повят — амардис 1946-æм азы 2 октябры, Версуа, Швейцари) уыдис Польшæйы паддзахадон архæйæг, Польшæйы президент (19261936) æмæ химик ахуыргонд, æрхъуыдыгæнæг, Польшæйы химион индустрийы саразджытæй иу.

Цардафыст[ивын | Бындур ивын]

Юзеф Пилсудский, Игнаций Мосцицкий æмæ Казимир Бартель. 1926-æм азы 4 июны

Игнаций райгуырдис 1867-æм азы, 1863-æм азы Польшæйы цы растад уыдис, уый архайæджы бинонты ’хсæн. Скъола каст фæцис Варшавæйы, уый фæстæ 1891-æм азы йæ ахуыр кæронмæ ахæццæ кодта политехникон институты Ригæйы сахары.

1897-æм азы уый уыдис ассистент университеты Фрибурджы (Швейцари). Уым Мосцицкий куыста азоты туагад амал кæныны ног мадзæлттыл, иртæста нефтгуыст, нефт сыгъдæггæнын æмæ æндæр проблемæтæ. 19201926 азты уый куыста Политехникон институты Львовы сахары: уыдис физикон хими æмæ техникон электрохимийы профессор, стæй ректор 1925/1926 ахуыры азы.

Мосцицкий у Тарновæйы азоты баиугæндты фабричы бындурæвæрæг. Фабрикæ кæм æрбынат кодта, уыцы квартал ныртæккæ хæссы ахуыргонды ном.

Политикон архайд[ивын | Бындур ивын]

1892-æм азæй Мосцицкий уыдис Польшæйаг социалистты фæсарæйнаг цæдисы уæнг. Майы фæфæлдæхты (1926 аз) фæстæ Юзеф Пилсудскийы рекомендацимæ гæсгæ æвзæрст æрцыдис Польшæйы президентæй æмæ 1926-æм азы 1 июнæй æххæст кодта уыцы хæстæ.

1939-æм азы сентябры советон æфсæдтæ Польшæйы скæсæйнаг зæххытæм куы бацыдысты, уæд Мосцицкийы бахъуыдис бафснайын йæ сæр æмæ уый охыл алыгъдис Румынимæ. Уым хæсты кæронмæ æрцыдис тыхурæд (уырыс. был интернирован) æмæ 25 сентябры уый радта йæ президенты бынат инæлар Болеслав Веняве-Длугошевскийæн. Фæлæ ууыл не сразы сты Францы хицауад æмæ бадомдтой, цæмæй президенты бынат бацахса Владислав Рачкевич. Игнаций Мосцицкий сæххæст кодта уыцы домæн.

1939-æм азы декабры Мосцицкий йæ бинонтимæ æрбынæттон ис Швейцарийы. Уым арвыста Дыккаг дунеон хæсты азтæ.

Йæ марды буар кæм уыдис, уыцы урнæ рахастæуыдис Варшавæмæ 1993-æм азы.

Фиппаинæгтæ[ивын | Бындур ивын]

  1. 1,0 1,1 Bibliothèque nationale de France идентификатор BNF (фр.): гом бæрæггæнæнты платформæ — 2011.
  2. 2,0 2,1 Ignacy Moscicki // Encyclopædia Britannica (англ.)
  3. 3,0 3,1 Ignacy Mościcki // Энциклопедия Брокгауз (нем.) / Hrsg.: Bibliographisches Institut & F. A. Brockhaus, Wissen Media Verlag
  4. Deutsche Nationalbibliothek Record #119251736 // Иумæйаг нормативон контроль (GND) (нем.) — 2012—2016.
  5. 5,0 5,1 Czech National Authority Database