Люксембург, Розæ

Сæрибар энциклопеди Википедийы æрмæг.

Розæ Люксембуург (нем. Rosa Luxemburg, пол. Róża Luksemburg, æцæг ном Rosalia Luxenburg — Розали Люксенбург; райгуырд 1870/71? азы 5 мартъийы — фæзиан 1919 азы 15 январы) уыд Германы революционеркæ, европæйаг коммунистон змæлды зынгæдæр уæнгтæй иу.

Люксембург райгуырд 1871 азы (æндæр верситæм гæсгæ 1871-æм) 5 мартъийы уæрæсейаг Польшæйы Люблинæй скæсæнырдæм цы сахар Замостье (Zamość) и, уым. Уый уыд дзуттаг сæудæджеры бинонты фæндзæм сывæллон. Каст фæци Варшавæйы чызджыты гимназ, ахуыр кодта хорз.

Розæйы зондахаст фæстæдæр зындгонд сси куыд люксембургизм. Йæ зындгонддæр цитатæтæй иу у, уæрæсейаг революцийы тыххæй кæй ныффыста, ахæм: «Сæрибар æдзухдæр у, æндæр хуызы чи хъуыды кæны, уыдоны сæрибар».

Розæ Люксембурджы кадæн хуыйны Дзæуджыхъæуы историон центры уынгтæй иу.