Загрос

Сæрибар энциклопеди Википедийы æрмæг.

Загрос (перс. رشته‌كوه‌های زاگرس‎) у нырыккон Ираны тæккæ стырдæр хæххон системæ. Йæ иуæй-иу къæдзæхкъабæзтæ æххæссынц Иракы территоримæ.

[баив æй] Географи

Загрос адæргъ ис 1500 километрæй фылдæрыл — провинци Курдистаны (Иракы арæнгæрон) суанг, Ормузаг донкъубалмæ, цыран Раззаг Ази æмæ Аравийы æрдæгсакъадахы ’хсæн æрмæст 50 км. Хæхтæ айтыгъд сты цæугæдон Тигры дон-дон, стæй Персайнаг бакæлæны æмдæргъ. Загросы бæрзонддæр хох у 4500 метры бæрзæндæн æмæ æрбынат кодта сахар Исфаханмæ хæстæг. Ширазæй хуссардæр загросаг хæхтæ рæстæмбис нымадæй сты уыцы цъуппæй 1000 метры ныллæгдæр.

[баив æй] Геологи

Геологион æгъдауæй Загрос у, Пиренейтæ, Альптæ, Карпаттæ, Балканы хæхтæ æмæ Эльбрусау миоцены чи фæзынди, ахæм æвзонг даргъджын хæхты системæ. Скæсæны Загросæй уыцы евразиаг рагъ дарддæр кæнынц Гиндукуш, Каракорум æмæ Гималайтæ. Ацы рагъ цы облæстытыл цæуы, уыдонæн сæ фылдæры арæх сты зæххæнкъуыстытæ.