Гадаты Лазæр

Сæрибар энциклопеди Википедийы æрмæг.

Гадаты Тезейы фырт Лазæр (райгуырдис 1938-æм азы, Сырх Дыгуры — амардис 2008-æм азы 23 сентябры, Мæскуыйы) уыдис уæрæсейаг ирон скульптор æмæ фыссæг.

Цардафыст[ивын]

Лазæр райгуырдис Сырх Дыгуры хъæуы, зæхкусæджы хæдзары. Йæ фыд æбæрæгæй фесæфтис хæсты. Лæппу 1960-æм азы каст фæцис Цæгат Ирыстоны педагогон учелище æмæ адарддæр кодта йæ ахуыр В.И. Суриковы номыл Мæскуыйы паддзахадон аивадон институты. Йæ ахуыргæнджытæ дзы уыдысты Дмитрий Жилинский (нываивад), Матвей Манизер (скульптурæ) æмæ Александрæ Терентийы чызг Матвеева (пластикæйы системæ).

1966-æм азы Гадайы-фырт институт каст куы фæцис, уæд æй райстой ССР Цæдисы Нывгæнджыты цæдисмæ.

Гадаты Лазæр дыгурон диалектыл фыста радзырдтæ æмæ æмдзæвгæтæ. Йæ уацмыстæ мыхуыргонд цыдысты журналтæ «Мах дуг» æмæ «Ирæф»-ы.