Бицаты Сергей

Сæрибар энциклопеди Википедийы æрмæг.
Бицаты Сергей
Райгуырды датæ 1922-æм азы 15 майы(1922-05-15)
Райгуырæны бынат
Мæлæты датæ 1962-æм азы 22 мартъийы(1962-03-22) (39 азы)
Мæлæты бынат
Хуындад майор[d]
Тохтæ
Хорзæхтæ æмæ премитæ
Советон Цæдисы хъæбатыр
Ленины орден Сырх Тырысайы орден орден Отечественной войны I степени орден Отечественной войны II степени Сырх Стъалыйы орден

Бицаты Сергей Владимиры фырт, Советон Цæдисы Хъæбатыр, райгуырдис 1922-æм азы Цæгат Ирыстоны Дигорайы хъæуы. Дигорайы каст фæцис астазон скъола æмæ 1939 азы та Дигорайы хъæууон хæдзарады кусфак. Фæлæ Сергейы хъуыдытæ æдзух дæр баст уыдысты авиациимæ æмæ бацыд Дзæуджыхъæуы аэроклубмæ, фæстæдæр каст фæцис Краснодары тæхджыты скъола.

1943 азы Бицайы фырт ссис тæхæг-куыннæггæнæг æмæ æрвыст æрцыди фронтмæ. Фыдыбæстæйы Стыр хæсты йæ архайды рæстæджы 1943 азы июлы мæйæ фæстæмæ Ленинграды, Волховы, 3-аг Прибалтикæйы æмæ 2-аг Белоруссаг фронтты лейтенант Бицайы-фырт æнтысгæйæ атахти 263 хатты. Уæлдæфы знаджы куынæггæнджытимæ тохы йæхæдæг иунæгæй æрæппæрста 16 хæдтæхæджы, уыимæ иумæ æхсар æмæ лæджыгъæд кæй равдыста уый тыххæй 2-аг Белоруссаг фронты æфсады командыгæнæг К. К. Рокосовский сразы командыкæнынады куырдиатыл цæмæйдæриддæр Бицайы-фыртæн лæвæрд æрцæуа Советон Цæдисы Хъæбатыры ном.

1945 азы 18 майы Бицъайы-фыртæн лæвæрд æрцыд Советон Цæдисы Хъæбатыры ном.

Хорзæхджын ма уыд Сырх Тырысайы дыууæ орденæй, Фыдыбæстæйон хæсты дыууæ орденæй æмæ бирæ майдантæй. 1960 азы йе ’нæниздзинад кæй фæцудыдта, уый тыххæй ацыд Æфсады рæнхъытæй.

Бицайы-фырт амард 1962-æм азы 22 мартъийы æмæ ныгæд æрцыд Дзæуджыхъæуы.