Бæдоаты Алан
| Бæдоаты Алан | |
|---|---|
| Райгуырды датæ | 1981-æм азы 10 январы (43 азы) |
| Райгуырæны бынат | |
| Æмбæстонад | |
| Професси | режиссёр, клипмейкер |
| Здæхт | цыбырметражон фильм, видеоклип |
| IMDb | ID 2097219 |
| badoev.com | |
 Викикъæбицы медиа | |
Бæдоаты Алан (райгуырдис 1981-æм азы 10 январы Беслæны) у украинаг режиссёр æмæ клипмейкер. Зынгонд сси Уæрæсе æмæ Украинæйы популярон зарæггæнджытимæ æмгуысты руаджы — уыдонæн Алан иста видеоклиптæ. Æнæуый куыста фæсарæйнаг артисттимæ. Æгас дунейы зындгонд сси йæ фыццаг æххæстметражон фильм «OrangeLove»-ы фæстæ; ацы фильм райста преми фестивал «Kinoshock 2006»-ы хуыздæр режиссёры куысты тыххæй.
Цардафыст[ивын | Бындур ивын]
Бæдоайы-фырт райгуырдис 1981-æм азы 10-æм январы Цæгат Ирыстоны Беслæны хъæуы, схъомыл та сахар Горловкæйы, Украинæйы Донецчы облæсты.
1998-æм азы бацыди Киевы национ культурæ æмæ аивæдты университеты Киевы кино æмæ телеуынæны институтмæ. Институты ахуыр кæнгæйæ, Бæдоайы-фырт райдыдта исын документалон фильмтæ, кæцытæ фæстæдæр иугонд æрцыдысты цикл «Жизнь дубль два»-мæ, уыимæ иста цыбырметражон кинотæ: «След 2000», «Колос и стерня» æмæ «Пять минут или Легенды убитого времени».
2002-æм азы Алан райста Покровы Сыгъдæг Мады Майрæмы орден «Ангелы живут напротив»-ы сценарийы тыххæй.
Ахуырдон каст фæуыны фæстæ, режиссёр кусын райдыдта музыкалон видеойы жанры. Уый фæстæ украинаг продюсер Юрий Никитин бафиппайдта Аланы æмæ уыдон раидыдтой иумæ кусын. Ацы куысты фæстиуæг уыди видеоклип Иринæ Билыкы зарæг «Мит»-æн (уырыс. «Снег»). Ныридæгæн Алан систа 250 видеоклипæй фылдæр.
Æппæтдунейон зынынад райста йæ фыццаг æххæстметражон фильм «Оренджлавы» (англ. «OrangeLove») 2006-æм азы рацыды фæстæ «Оренджлав» («OrangeLove»). Каннты фестивалы, кæцыйы йæ киноныв æвдыст æрцыд конкурсы æдде, европæйаг критиктæ йæ схуыдтой украинаг кинематографы фыццаг æцæг фильм. Афтæ дæр «Оренджлав» райста преми фестивалы «Kinoshock 2006» хуыздæр режиссёры куысты тыххæй.
Видеокуыстытæ[ивын | Бындур ивын]
Фильмыфыст[ивын | Бындур ивын]
Полнометражон фильмтæ[ивын | Бындур ивын]
| аз | ном | фиппаинæгтæ |
|---|---|---|
| 2006 | «OrangeLove» кæнæ «orANGELove» æмæ «Оренджлав» | цæуы украинаг эфиры 2007-æм азы 29-æм мартъийæ фæстæмæ |
Документалон фильмтæ[ивын | Бындур ивын]
| аз | ном | фиппаинæгтæ |
|---|---|---|
| — | документалон фильмты цикл «Цæрæнбонты дыккаг дубль» (уырыс. «Жизнь дубль два») | «Золотой витязь» æмæ «Просвита»-йы фестивальты призёр |
Цыбырметражон фильмтæ[ивын | Бындур ивын]
| аз | ном | фиппаинæгтæ |
|---|---|---|
| — | «Фæд 2000» (уырыс. «След 2000») | — |
| — | «Колос и стерня» | — |
| — | «Фондз минуты кæнæ Мард рæстæджы таурæгътæ» (уырыс. «Пять минут или Легенды убитого времени») | — |
Видеоклиптæ[ивын | Бындур ивын]
Æрвитæнтæ[ивын | Бындур ивын]
- Официалон сайт (уырыс.)