Апуримак (цæугæдон)

Сæрибар энциклопеди Википедийы æрмæг.
Апуримак
исп. Río Apurímac
Апуримак
Апуримак
Гуырæн Пунайы уæлвæз Цæнтралон Андты
Бассейн Укаяли, Амазонкæ
Дæргъ 1250 км
Бассейны фæзуат 125000 км²
Доны хардз 2900 м³/с

Апуримак (исп. Río Apurímac), дæлейы ма йæ хонынц Эне, Тамбо, цæугæдон Перуйы, Хуссар Америкæйы. Цæугæдон Укаялийы (Амазонкæйы бассейны) галиу фæрсагдон.

Йæ дæргъ 1250 км. Йæ бассейны фæзуат у 125 мин км2. Гуыры Пунайы уæлвæзыл астæуккаг Андты, цад Титикакæйы цæгат-ныгуылæны ’рдыгæй, кæлгæ дæр цæгат-ныгуылæны ’рдæм кæны арф уынгæг кæмтты æмæ дих кæны Андты рæгътæ. Дон æм æфты фылдæр уарынтæй. Рæстæмбис нымадæй дзы дон ракæлы 2,9 мин м3/с. Тæккæ фылдæр дон дзы вæййы декабры-февралы. Тынг донкъæсæрджын у æмæ дзы наутæн цæуыны фадат нæй. Цæугæдон Апумиракыл лæууы сахар Пуэрто-Прадо.